केंद्राने शनिवारी युनिफाइड पेन्शन स्कीम (UPS) नावाची नवीन पेन्शन योजना जाहीर केली असून या योजनेमुळे सरकारी कर्मचाऱ्यांना खात्रीशीर पेन्शन, कौटुंबिक निवृत्ती वेतन आणि खात्रीशीर किमान पेन्शन मिळणार आहे. ही नवीन पेन्शन योजना १ एप्रिल २०२५ पासून लागू होणार असल्याची माहिती रेल्वेमंत्री अश्विनी वैष्णव यांनी पत्रकार परिषदेत दिली.
पंतप्रधान नरेंद्र मोदी यांच्या अध्यक्षतेखाली केंद्रीय मंत्रिमंडळाची आज बैठक झाली. या बैठकीत ही नवी युनिफाईड योजना लागू करण्याचा निर्णय घेण्यात आला.
अश्विनी वैष्णव पेन्शन योजनेची माहिती देताना म्हणाले की, गेल्या १२ महिन्यांत काढलेल्या सरासरी मूळ वेतनाच्या ५० टक्के पेन्शनची हमी देते, जर कर्मचाऱ्याने किमान २५ वर्षे सेवा पूर्ण केली असेल. ज्यांची सेवा कमी आहे त्यांच्यासाठी पेन्शन प्रमाणानुसार असेल असेही यावेळी सांगितले.
पुढे यासंदर्भात बोलताना अश्विनी वैष्णव म्हणाले की, ही पेन्शन योजना कर्मचाऱ्यांच्या मृत्यूपूर्वी लगेचच त्यांच्या निवृत्ती वेतनाच्या ६० टक्के कौटुंबिक निवृत्तीवेतन सुनिश्चित करते. हे किमान १० वर्षांच्या सेवेनंतर सेवानिवृत्तीवर दरमहा रु. १०,००० ची खात्रीशीर किमान पेन्शन देखील हमी देते.
अश्विनी वैष्णव म्हणाले की, केंद्राने मंजूरी दिलेल्या नव्या राष्ट्रीय पेन्शन प्रणाली (NPS) अंतर्गत सेवेत सामील झालेल्या सुमारे २३ लाख केंद्र सरकारच्या कर्मचाऱ्यांना युनिफाईड पेन्शन योजनेचा UPS चा फायदा होणार आहे.
We are proud of the hard work of all government employees who contribute significantly to national progress. The Unified Pension Scheme ensures dignity and financial security for government employees, aligning with our commitment to their well-being and a secure future.…
— Narendra Modi (@narendramodi) August 24, 2024
पुढे या पेन्शन योजनेबद्दल बोलताना अश्विनी वैष्णव म्हणाले की, आज केंद्रीय मंत्रिमंडळाने खात्रीशीर पेन्शन प्रदान करणाऱ्या सरकारी कर्मचाऱ्यांसाठी युनिफाईड पेन्शन योजना UPS ला मंजूरी दिली आहे. ५० टक्के खात्रीशीर पेन्शन हा योजनेचा पहिला आधारस्तंभ आहे आणि दुसरा आधारस्तंभ कुटुंब निवृत्ती वेतन राहणार आहे. कर्मचाऱ्यांना एनपीए NPS आणि युपीएस UPS योजनेतपैकी एकाची निवड करण्याचा पर्याय उपलब्ध राहणार असल्याचेही यावेळी स्पष्ट केले.
Union Cabinet has approved Unified Pension Scheme (UPS) for government employees
– Union Minister @AshwiniVaishnaw #CabinetDecision pic.twitter.com/Va6xUMkyZT
— PIB India (@PIB_India) August 24, 2024
कॅबिनेट सचिव-नियुक्त टीव्ही सोमनाथन म्हणाले की, नवीन योजना १ एप्रिल २०२५पासून लागू होईल. यूपीएसचे फायदे ३१ मार्च २०२५ पर्यंत निवृत्त झालेल्या आणि थकबाकीसह निवृत्त झालेल्यांसाठी लागू राहणार असल्याचे सांगितले.
यासंदर्भात टी व्ही सोमनाथन म्हणाले की, या योजनेअंतर्गत, ग्रॅच्युइटी व्यतिरिक्त सेवानिवृत्तीवर एकरकमी पेमेंट आणि प्रत्येक पूर्ण केलेल्या सहा महिन्यांच्या सेवेसाठी सेवानिवृत्तीच्या तारखेला मासिक वेतनाचा एक दशांश (पे + DA (महागाई भत्ता)) असेल. या पेमेंटमुळे कर्मचाऱ्यांसाठी निश्चित पेन्शनचे प्रमाण कमी होणार नाही.
गेल्या वर्षी, वित्त मंत्रालयाने सरकारी कर्मचाऱ्यांसाठी पेन्शन योजनेचे पुनरावलोकन करण्यासाठी आणि NPS च्या विद्यमान फ्रेमवर्कमध्ये आवश्यक असल्यास, कोणतेही बदल सुचवण्यासाठी वित्त सचिव टीव्ही सोमनाथन यांच्या नेतृत्वाखाली एक समिती स्थापन केली.
🔹 Inflation Indexation on assured pension, on assured family pension and assured minimum pension will be provided
-Dearness Relief will be provided based on All India Consumer Price Index for Industrial Workers (AICPI-IW) as in case of service employees🔹 The fifth pillar is… pic.twitter.com/meFHPVzx5X
— PIB India (@PIB_India) August 24, 2024