डॉ मनमोहन सिंग यांनी नरेंद्र मोदींना फटकारले, पंतप्रधान कार्यालयाची प्रतिष्ठा कमी केली हेट स्पीच वापरून कार्यालयाची प्रतिष्ठा कमी केली

लोकसभा निवडणूक सात टप्प्यात पार पडत आली आहे. आतापर्यंत लोकसभा निवडणूकीचे ६ टप्पे पार पडले असून ७ वा टप्पा १ जून रोजी पार पडणार आहे. मात्र भाजपाच्या आणि स्वतःच्या प्रचारासाठी पंतप्रधान नरेंद्र मोदी यांनी मोठ्या प्रमाणावर संपूर्ण देशभरात प्रचार सभा घेतल्या. यातील अनेक सभा या पंतप्रधान नरेंद्र मोदी यांनी वापरलेल्या द्वेषपूर्ण भाषणांमुळे चांगल्याच विवादात सापडल्या. यावरून काँग्रेसचे नेते तथा देशाचे माजी पंतप्रधान डॉ मनमोहन सिंग यांनी पंतप्रधान नरेंद्र मोदी यांना चांगलेच फटकारले आहे.

यावेळी डॉ मनमोहन सिंग म्हणाले की, पंतप्रधान नरेंद्र मोदी यांनी “द्वेषपूर्ण भाषणांनी पंतप्रधान कार्यालयाची (PMO) प्रतिष्ठा कमी केल्याचा” आरोप करत ते ज्या समाजातून पुढे आले आहेत, त्या समाजाला विशेष वागणूक दिली नसल्याचे यावेळी स्पष्ट केले.

पुढे बोलताना डॉ मनमोहन सिंग म्हणाले की, मी या निवडणुकीच्या प्रचारादरम्यान राजकीय भाषणांचे काटेकोरपणे पालन केले आहे. मोदीजींनी अत्यंत घृणास्पद प्रकारची द्वेषयुक्त भाषणे केली आहेत, तर मोदी यांनी जी भाषणे केली ती पूर्णपणे फूट पाडणारी आहेत, अशी टीकाही पंजाबी जनतेला लिहिलेल्या तीन पानी पत्रातून केलेल्या आवाहानातून केले.

पंजाबमधील लोकसभेच्या १३ जागांसाठी सार्वत्रिक निवडणुकीच्या शेवटच्या टप्प्यात १ जून रोजी मतदान होणार आहे.

डॉ मनमोहन सिंग पुढे आपल्या आवाहनात म्हटले की, सार्वजनिक भाषणाची प्रतिष्ठा कमी करणारे मोदीजी हे पहिले पंतप्रधान आहेत आणि त्यामुळे पंतप्रधान कार्यालयाचे गांभीर्य कमी झाले आहे. भूतकाळातील कोणत्याही पंतप्रधानाने समाजातील विशिष्ट वर्गाला किंवा विरोधी पक्षांना लक्ष्य करण्यासाठी अशा द्वेषपूर्ण, असंसदीय आणि खरखरीत शब्द उच्चारले नाहीत. त्यांनी माझ्यावर काही खोटी विधानेही केली आहेत. मी माझ्या आयुष्यात कधीच एका समाजाला दुसऱ्या समाजातून वेगळे केले नाही. तो भाजपाचा एकमेव कॉपीराइट आहे, अशी खोटक टीकाही यावेळी केली.

डॉ. मनमोहन सिंग यांनी त्यांच्या पत्रात समुदायाबद्दलच्या टिप्पणीचा उल्लेख केलेला नाही. तथापि, नरेंद्र मोदींनी राजस्थानमधील एका जाहीर सभेत असा दावा केला की डॉ. मनमोहन सिंग म्हणाले (२००६ मध्ये) “देशाच्या संसाधनांवर मुस्लिमांचा पहिला दावा होता”.

गेल्या दहा वर्षात भाजपा सरकारने “पंजाब, पंजाबी आणि पंजाबियत” असा टोला मारण्यात कुठलीही कसर सोडली नाही, याकडे लक्ष वेधून डॉ. मनमोहन सिंह म्हणाले की, दिल्लीच्या सीमेवर अखंड वाट पाहत असताना ७५० शेतकरी शहीद झाले. (आता रद्द केलेल्या शेती कायद्यांविरुद्ध) अनेक महिने एकत्र आंदोलने केले. “जसे की लाठ्या आणि रबराच्या गोळ्या पुरत नाहीत, पंतप्रधानांनी संसदेच्या पटलावर आमच्या शेतकऱ्यांना ‘आंदोलनजीवी’ आणि ‘परजीवी’ (परजीवी) म्हणून शाब्दिक मारहाण केली. त्यांच्याशी सल्ला मसलत न करता त्यांच्यावर लादलेले तीन शेतीविषयक कायदे मागे घेण्याची त्यांची एकच मागणी होती.” भाजपाच्या धोरणांमुळे शेतकऱ्यांची कमाई बुडाली असल्याची टीकाही यावेळी नरेंद्र मोदी यांच्यावर केली.

डॉ मनमोहन सिंह म्हणाले की, भाजपाच्या राजवटीत देशाच्या अर्थव्यवस्थेत अकल्पनीय अशांतता आली आहे. “नोटाबंदीची आपत्ती, एक सदोष जीएसटी आणि कोविड महामारी दरम्यानच्या वेदनादायक गैरव्यवस्थापनामुळे एक दयनीय परिस्थिती निर्माण झाली आहे… अभूतपूर्व बेरोजगारी आणि बेलगाम महागाईमुळे असमानता मोठ्या प्रमाणात वाढली आहे, जी आता १०० वर्षांच्या उच्चांकावर आहे… .भाजपा सरकारच्या कुशासनामुळे घरगुती बचत ४७ वर्षांच्या नीचांकी पातळीवर पोहोचली आहे… ३० लाख सरकारी जागा रिक्त आहेत,” असेही यावेळी सांगितले.

डॉ मनमोहन सिंग पुढे बोलताना म्हणाले की, भाजपा सरकारने आपल्या सशस्त्र दलांवर चुकीची अग्निवीर योजना लादली. ‘भाजपाला देशभक्ती, शौर्य आणि सेवेची किंमत फक्त चार वर्षांची वाटते. यावरून त्यांचा खोटा राष्ट्रवाद दिसून येतो. ज्यांनी नियमित भरतीसाठी प्रशिक्षण घेतले होते त्यांचा बाहेर जाणाऱ्या राजवटीने अत्यंत वाईट प्रकारे विश्वासघात केला. सशस्त्र दलाच्या माध्यमातून मातृभूमीची सेवा करण्याचे स्वप्न पाहणारा शेतकऱ्याचा मुलगा पंजाबचा तरुण आता केवळ ४ वर्षांच्या कार्यकाळासाठी भरती होण्याचा दुहेरी विचार करत आहे. अग्निवीर योजनेमुळे राष्ट्रीय सुरक्षा धोक्यात आली आहे. त्यामुळे काँग्रेस पक्षाने अग्निवीर योजना रद्द करण्याचे आश्वासन दिले आहे,” असेही यावेळी स्पष्ट केले.

https://x.com/RahulGandhi/status/1796106421655728205

माजी पंतप्रधान डॉ मनमोहन सिंग यांनी लिहिलेले हेच ते पत्र-