निलेश लंकेंनी घेतली इंग्रजीतून शपथ तर राहुल गांधीचे प्रणिती शिंदे शी शेकहॅन्ड लोकसभा अधिवेशनाचा दुसरा दिवस

नुकत्याच झालेल्या लोकसभा निवडणूकीत अहमदनगर लोकसभा मतदारसंघातील उमेदवार राष्ट्रवादी काँग्रेस शरदचंद्र पवार पक्षाचे उमेदवार निलेश लंके आणि भाजपाचे उमेदवार डॉ सुजय विखे-पाटील यांच्यात लढत झाली. या मतदारसंघातील निवडणूकीच्या दरम्यान निलेश लंके यांच्या शैक्षणिक गुणवतेवरून आणि इंग्रजी भाषा येत नसल्याचा मुद्दा प्रचारात उपस्थित झाला होता. तसेच या मुद्यावरून राष्ट्रवादी काँग्रेस शरदचंद्र पवार आणि भाजपामध्ये चांगलाच कलगीतुरा रंगला होता. निलेश लंके यांनी बाजी मारत भाजपा उमेदवाराचा पराभव करत विजय मिळविला. आज १८ लोकसभा अधिवेशनाच्या दुसऱ्या दिवशी नव्या लोकप्रतिनीधींचा शपथविधी पार पडला. यावेळी निलेश लंके यांनी चक्क खासदारकीची शपथ इंग्रजी भाषेतून घेत सर्वांनाच चाट पाडले. त्यामुळे निवडणूक काळात कमी शिक्षणावरून केलेल्या टीकेला चांगलेच प्रतित्युर दिले.

"Today, I took the oath in English as the Member of Parliament for the Nagar South Lok Sabha constituency. I am fully aware of the immense responsibility this moment carries. I am committed to fulfilling my duties towards the people of my constituency with complete dedication and pic.twitter.com/AgqVp97ASh

— Nilesh Lanke – निलेश लंके (@INilesh_Lanke) June 25, 2024

तर दुसऱ्याबाजूला मागील १० वर्षापासून भाजपाच्या ताब्यात असलेला सोलापूर लोकसभा मतदारसंघ पुन्हा काँग्रेसकडे खेचून घेण्यात यशस्वी ठरलेल्या आणि पहिल्यादांच लोकसभेत खासदार म्हणून गेलेल्या प्रणिती शिंदे यांनी आज खासदारकीची शपथ घेतली. प्रणिती शिंदे यांचे नाव लोकसभा सचिवांनी पुकारल्यानंतर मागील बाजूने प्रणिती शिंदे या उठून अध्यक्षांच्या दिशेन चालू लागल्या. त्यावेळी पहिल्या बाकावर बसलेले काँग्रेस नेते राहुल गांधी यांना नमस्कार केला. मात्र राहुल गांधी यांनी प्रणिती शिंदे यांच्याशी हस्तांदोलन करत शुभेच्छा दिल्या.

#सोलापूर (महाराष्ट्र राज्य) लोकसभा मतदारसंघातील @INCIndia पक्षाच्या नवनिर्वाचित #खासदार @ShindePraniti यांनी देशाची राजधानी नवी दिल्ली येथील संसद भवनामध्ये आज आपल्या सदस्यत्वाची #शपथ घेतली. 🙏
जय हिंद।। 🇮🇳 जय महाराष्ट्र.. जय संविधान… 📕@kharge @RahulGandhi@bb_thorat @satejp pic.twitter.com/623D6EOSjt

— Indian National Congress – Solapur (@INCSolapurRural) June 25, 2024

या दोन्ही घटनांमुळे अहमदनगर आणि सोलापूर येथील मतदारांना सुखद धक्का बसला असून निलेश लंके आणि प्रणिती शिंदे यांच्या बद्दल कुतुहल मिश्रीत आदर व्यक्त करण्यात येत आहे.