उत्तराखंडमधील रुद्रप्रयाग जिल्ह्यात शनिवारी २६ प्रवाशांना घेऊन जाणारा टेम्पो ट्रॅव्हलर खोल दरीत कोसळल्याने १२ जणांचा मृत्यू झाला. या अपघातात १६ जण जखमी झाल्याची माहिती पोलिसांनी दिली.
आज सकाळी ११ वाजण्याच्या सुमारास हे वाहन रस्त्यावरून घसरले आणि बद्रीनाथ राष्ट्रीय महामार्गावरील अलकनंदा नदीच्या काठावर सुमारे २५० मीटर घसरले.
बचावकार्य सुरू करण्यात आले असून जखमींना रुग्णालयात दाखल करण्यात आले आहे.
१६ जखमींपैकी सात जणांना एअरलिफ्ट करून एम्स ऋषिकेशमध्ये दाखल करण्यात आले असून नऊ जणांना रुद्रप्रयाग जिल्हा रुग्णालयात दाखल करण्यात आले आहे. रुद्रप्रयागच्या एसपी विशाखा अशोक भदाणे यांनी दिलेल्या माहितीनुसार, काही जखमींची प्रकृती चिंताजनक आहे.
या दुर्घटनेबद्दल दु:ख व्यक्त करताना मुख्यमंत्री पुष्कर सिंह धामी म्हणाले की, जिल्हाधिकाऱ्यांना घटनेची चौकशी करण्याचे आदेश देण्यात आले आहेत.
त्यांनी त्यांच्या अधिकृत हँडलवर लिहिले की, “दिवंगतांच्या आत्म्यांना त्यांच्या चरणी स्थान मिळावे आणि शोकाकुल कुटुंबाला हे अतोनात दुःख सहन करण्याची शक्ती मिळावी अशी मी ईश्वराकडे प्रार्थना करतो. जखमींच्या लवकरात लवकर बरे होण्यासाठी मी बाबा केदार यांना प्रार्थना करतो,” असे त्यांनी त्यांच्या अधिकृत हँडलवर लिहिले. .
स्थानिक प्रशासन आणि एसडीआरएफचे पथक मदत आणि बचाव कार्यात गुंतले आहेत.
हे प्रवासी दिल्ली/गाझियाबादहून चोपटा तुंगनाथला जात होते. अपघाताचे कारण अद्याप समजू शकलेले नाही.
पंतप्रधान नरेंद्र मोदी यांनी मृतांच्या कुटुंबीयांना प्रत्येकी २ लाख रुपये आणि जखमींना प्रत्येकी ५० हजार रुपयांची मदत जाहीर केली आहे.
त्यांनी एक्स X वर एका पोस्टमध्ये म्हटले आहे की, “प्रत्येक मृताच्या नातेवाईकांना PMNRF कडून २ लाख रुपयांची मदत दिली जाईल. जखमींना ५०,००० रुपये दिले जातील.”
रुद्रपयाग सड़क हादसे में गंभीर रूप से घायल यात्रियों को एयरलिफ्ट कर एम्स ऋषिकेश लाया जा रहा है। संबंधित अधिकारियों को घायलों के बेहतर उपचार हेतु निर्देश दिए हैं।
हम घायलों की हर संभव सहायता के लिए पूर्ण रूप से प्रतिबद्ध हैं। pic.twitter.com/AgoICpWGIm
— Pushkar Singh Dhami (@pushkardhami) June 15, 2024