नारायण मुर्ती म्हणाले, कोचिंग क्लास यशस्वी होण्याचे प्रभावी माध्यम नाही पॉल हेविट यांच्या पुस्तकाच्या १३ व्या आवृत्ती प्रकाशप्रसंगी व्यक्त केले मत

कोचिंग क्लास हे विद्यार्थ्यांना त्यांच्या परीक्षेत यशस्वी होण्याचे प्रभावी माध्यम नाही, असे इन्फोसिसचे प्रमुख नारायण मूर्ती यांनी सांगत देशभरात चालवल्या जाणाऱ्या कोचिंग क्लासेस पद्धतीवर थेट टीका करत जे विद्यार्थी त्यांच्या नियमित शालेय वर्गात सहभागी होऊ शकत नाहीत ते बहुतेकदा या बाह्य वर्गांवर अवलंबून असतात अशी मल्लिनाथीही यावेळी जोडली.

बेंगळुरू येथे पॉल हेविट यांच्या कन्सेप्च्युअल फिजिक्स बाय पियर्सन या सर्वाधिक विकल्या गेलेल्या पुस्तकाच्या १३व्या आवृत्तीच्या प्रकाशनप्रसंगी त्यांनी ही टीका केली.

नारायण मूर्ती पुढे बोलताना म्हणाले की, मुलांना परीक्षा उत्तीर्ण होण्यासाठी कोचिंग क्लासेस हा चुकीचा मार्ग असल्याचे मतही यावेळी व्यक्त करत पुढे म्हणाले की, आम्ही भारतातील एसटीईएम STEM शिक्षणाला बळकट करण्यासाठी कार्य करत असताना, आमच्या विद्यार्थ्यांना जागतिक दर्जाच्या शिक्षण संसाधनांमध्ये प्रवेश मिळणे आवश्यक आहे. पॉल जी हेविट यांचे ‘कॉन्सेप्च्युअल फिजिक्स’ हे एक प्रमुख उदाहरण आहे, जे भौतिकशास्त्र बनवण्यासाठी वैचारिक समज आणि वास्तविक-जगातील प्रयोगांवर जोर देत असल्याचेही यावेळी सांगितले.

पुढे बोलताना नारायण मुर्ती म्हणाले की, बहुतेक लोक जे कोचिंग क्लासला जातात ते शाळेत त्यांच्या शिक्षकांचे लक्षपूर्वक ऐकत नाहीत, आणि पालक, जे आपल्या मुलांना शैक्षणिकदृष्ट्या मदत करू शकत नाहीत, ते कोचिंग सेंटर्स हा एकमेव उपाय म्हणून पाहतात. वास्तविक-जगातील आव्हानांना सामोरे जाण्यासाठी आवश्यक निरीक्षण, विश्लेषण आणि गृहीतक-चाचणी कौशल्यांवर शिक्षण केंद्रीत असले पाहिजे असेही यावेळी सांगितले.

नारायण मुर्ती पुढे बोलताना म्हणाले की, कसे शिकायचे ते शिकणे हे शिक्षणाचे उद्दिष्ट आहे, रटे स्मरण करण्याऐवजी आकलन आणि गंभीर विचार हा मुलांच्या शिक्षणाचा पाया असला पाहिजे असे स्पष्ट मतही यावेळी व्यक्त केला.

नारायण मूर्ती म्हणाले की, मुलांना अभ्यासासाठी घरात शिस्तबद्ध वातावरण निर्माण करणे ही पालकांची जबाबदारी आहे. मुलांनी अभ्यासावर लक्ष केंद्रित करावे अशी अपेक्षा पालकांना असताना चित्रपट पाहता येत नाहीत. वाणगीदाखल उदाहरण देताना नारायण मुर्ती म्हणाले की, ते त्यांची पत्नी सुधा यांनी त्यांच्या शालेय वर्षांमध्ये त्यांची मुले अक्षता आणि रोहन मूर्ती यांच्यासोबत दररोज साडेतीन तास वाचनासाठी समर्पित केले. घरात शिस्तबद्ध वातावरण निर्माण करण्याचा हा प्रयत्न होता.

पुढे बोलताना नारायण मुर्ती म्हणाले की, पूर्वी संध्याकाळी ६:३० ते रात्री ८:३० पर्यंत, कुटुंबाने केवळ वाचन आणि अभ्यासावर लक्ष केंद्रित केले आणि दूरदर्शनवर कडक बंदी घातली. रात्रीच्या जेवणानंतर रात्री ९ ते ११ या वेळेत ते एकत्र अभ्यास करत राहतील आणि शिस्तीची संस्कृती वाढत राहिल. माझ्या बायकोचा तर्क होता, जर मी टीव्ही पाहत असेल तर मी माझ्या मुलांना अभ्यास करायला सांगू शकत नाही. म्हणून ती म्हणाली, मी माझा टीव्हीचा वेळ त्याग करीन आणि मी अभ्यासही करेन, अशी आठवणही यावेळी सांगितली.

शेवटी बोलताना नारायण मुर्ती म्हणाले की, परंतु ते शिक्षणात शिस्तीचे वातावरण निर्माण करण्याइतके महत्त्वाचे नाही. उदाहरणाद्वारे ते नेतृत्व ही पालकांची जबाबदारी आहे, जर पालक जाऊन चित्रपट पाहत असतील आणि मग ‘मुलांना, नाही, नाही, तुम्ही अभ्यास करा’ असे सांगत असतील, तर ते चालणार नाही असेही यावेळी सांगितले.