मुंबई दहशतवादी हल्ल्यातील आरोपी तहव्वूर हुसेन राणा, याची अमेरिकेच्या सर्वोच्च न्यायालयाने याचिका फेटाळून लावल्यानंतर आज तहव्वूर राणाला भारतात परत अमेरिकेच्या विमानाने परत आले. अमेरिका आणि भारता दरम्यान असलेल्या प्रत्यार्पण करारांतर्गत तहव्वूर राणा याला भारतात आणण्यात आले. दुपारच्या सुमारास अमेरिकेच्या विमानाने तहव्वूर राणा याला भारतात आणण्यात आले. त्यानंतर एनआयएने तहव्वूर राणा याला अटक करण्यात आले. त्यानंतर त्याची पटीयाला न्यायालयात हजर करण्यात येणार असून त्यानंतर त्याची वैद्यकीय तपासणी करून त्याला तुरुंगात पाठविण्यात येणार आहे. त्यासंदर्भातील कारवाई सध्या सुरु आहे. दरम्यान तहव्वूर राणा याच्या विरोधातील खटल्यात केंद्राने एका विशेष सरकारी वकीलाची नियुक्ती केली आहे.
केंद्रीय गृह मंत्रालयाने रात्री उशिरा दिलेल्या अधिसूचनेत म्हटले आहे की, राष्ट्रीय तपास संस्थेच्या (एनआयए) प्रकरणातील खटला आणि इतर बाबींसाठी वकील नरेंद्र मान हे तीन वर्षांसाठी विशेष सरकारी वकील असतील.
“राष्ट्रीय तपास यंत्रणा कायदा, २००८ (२००८ चा ३४) च्या कलम १५ च्या उप-कलम (१) द्वारे प्रदान केलेल्या अधिकारांचा वापर करून, भारतीय नागरिक सुरक्षा संहिता, २०२३ (बीएनएसएस) च्या कलम १८ च्या उप-कलम (८) सह वाचले जाते, केंद्र सरकार याद्वारे वकील नरेंद्र मान यांची दिल्ली येथील एनआयए विशेष न्यायालये आणि अपील न्यायालयांसमोर एनआयए प्रकरणाशी संबंधित खटले आणि इतर बाबींसाठी विशेष सरकारी वकील म्हणून नियुक्ती करत आहे. ही अधिसूचना प्रकाशित झाल्यापासून तीन वर्षांच्या कालावधीसाठी किंवा सदर खटल्याची सुनावणी पूर्ण होईपर्यंत, जे आधी होईल तेवढे कालावधीसाठी, “अधिसूचनेत म्हटले आहे.
६४ वर्षीय तहव्वुर राणा हा पाकिस्तानात जन्मलेला कॅनेडियन नागरिक आहे आणि २००८ च्या मुंबई दहशतवादी हल्ल्यातील मुख्य सूत्रधारांपैकी एक डेव्हिड कोलमन हेडली उर्फ दाऊद गिलानीचा जवळचा सहकारी आहे, जो अमेरिकेचा नागरिक आहे.
अधिकाऱ्यांच्या मते, त्याला भारतात आणण्यासाठी एक बहु-एजन्सी टीम अमेरिकेत गेली होती.