भारतीय हवामान खात्याने राज्यातील कोकणसह, विदर्भ आणि मध्य महाराष्ट्रात पुढील पाच दिवस मुसळधार पाऊस कोसळणार असल्याचा इशारा दिला आहे. त्यामुळे तर मध्य महाराष्ट्र आणि विदर्भात मोठ्या प्रमाणावर चार दिवस पाऊस कोसळणार असल्याचा हवामान अंदाज वर्तविला आहे.
राज्यातील कोकणात एकाबाजूला पावसाने चांगलीच हजेरी लावलेली असली तर दुसऱ्याबाजूला राज्यातील अनेक भागात मात्र पावसाने म्हणावा इतका अद्याप सुरुवात झाली नाही. त्यामुळे महाराष्ट्राच्या अनेक भागात मान्सूनचे आगमन झालेले असले तरी पाऊसाची हजेरी म्हणाव्या त्या प्रमाणात लागलेली नसल्याने पिण्याचा प्रश्न अनेक भागात भेडसावत आहे.
कोंकणातील जिल्ह्यांमध्ये तुरळक ठिकाणी मुसळधार ते अति मुसळधार पाऊस पडण्याची शक्यता आहे.
मध्य महाराष्ट्रातील जिल्ह्यांमध्ये घाट भागातील तुरळक ठिकाणी मुसळधार ते अति मुसळधार पाऊस पाऊस पडण्याची शक्यता आहे.
— Regional Meteorological Center,Mumbai (@RMC_Mumbai) July 6, 2024
दरम्यान, हवामान विभागाने घाट माथ्यावर पुढील चार दिवस वीजेच्या कडकडाटासह पाऊस कोसळण्याचा इशारा दिला आहे. तसेच मराठवाडा आणि मध्य महाराष्ट्रातील काही भागात मान्सूनची हजेरी कमी जास्त प्रमाणात राहणार असल्याचा अंदाज वर्तविला आहे. वास्तविक पाहता राज्यातील धरणक्षेत्रात अद्याप म्हणाव्या इतक्या पावसाची नोंद झालेली नसल्याने पाण्याचा प्रश्न आणखी पुढील काही काळ असा आ वासून राहणार असल्याचे बोलले जात आहे.
विदर्भातील जिल्ह्यांमध्ये तुरळक ठिकाणी विजांच्या कडकडाटासह वादळ, सोसाट्याचा वारा असण्याची शक्यता आहे.
तपशीलवार जिल्हानिहाय हवामान अंदाज व चेतावणीसाठी कृपयाhttps://t.co/jw7yrf9chD भेट घ्या. pic.twitter.com/R8ZOxuLAhI
— Regional Meteorological Center,Mumbai (@RMC_Mumbai) July 6, 2024
तसेच केरळ किनारपट्टीवर कमी दाबाचा पट्टा अद्यापही कायम राहिला असल्याने महाराष्ट्रात मान्सूनच्या पावसाची चांगली हजेरी लागणार असल्याचा अंदाज व्यक्त करण्यात येत आहे.
Maharashtra weather for next 5 days@Hosalikar_KS pic.twitter.com/B7bszGmkwu
— Climate Research & Services, IMD Pune (@ClimateImd) July 6, 2024