आदित्य ठाकरेंना कोविडची लागण

मुंबई: प्रतिनिधी

राज्याचे मुख्यमंत्री उध्दव ठाकरे यांचे सुपुत्र तथा राज्याचे पर्यटन मंत्री आदित्य ठाकरे यांना कोविडची लागण झाली असून संपर्कात आलेल्या लोकांनी विलगीकरणात राहून स्वत:ची चाचणी करावी असे आवाहन शिवसेना नेते आदित्य ठाकरे यांनी ट्विटरवरून केले.

प्रकृती अस्वस्थामुळे आदित्य ठाकरे यांनी कोरोना चाचणी केली. त्या चाचणीचा अहवाल पॉझिटीव्ह आला. त्यामुळे त्यांनी स्वत:ला विलगीकरणात ठेवून घेतले. तसेच संपर्कात आलेल्या व्यक्तींनी स्वत:ची चाचणी करावी असे आवाहन केले.

दरम्यान आदित्य ठाकरेंना कोरोनाची लागण झाल्याचे कळताच अनेक मंत्री, युवा सैनिक आणि शिवसैनिकांनी त्यांना लवकर बरे होवून परत यावे अशी सदिच्छा व्यक्त केली.