हरियाणाच्या मेवात जिल्हा मुख्यालय नूह येथे सोमवारी झालेल्या हिंसाचारानंतर परिस्थिती तणावपूर्ण आहे. परिस्थिती नियंत्रणात आणण्यासाठी नूहमध्ये कर्फ्यू लावावा लागला आहे. राज्य सरकारने मंगळवारी नूह, गुरुग्राम, पलवल आणि फरीदाबाद जिल्ह्यातील सर्व सरकारी आणि खाजगी शैक्षणिक संस्था बंद ठेवण्याचा आदेश जारी केला आहे. आज दोन्ही समुदायांच्या प्रतिनिधींमध्ये शांतता चर्चेची दुसरी फेरी होणार आहे. सोमवारी रात्री बारा वाजेपर्यंत चाललेल्या चर्चेत कोणताही तोडगा निघू शकला नाही.
ब्रज मंडळ शोभायात्रेदरम्यान पुन्हाणा येथे दगडफेकीनंतर हा हिंसाचार झाला. हल्लेखोरांनी पोलिस आणि नागरिकांच्या वाहनांना आग लावली. परिस्थिती पाहता गुडगाव, फरीदाबाद आणि पलवल जिल्ह्यांतील अतिरिक्त पोलिस दल आणि निमलष्करी दल नुहमध्ये तैनात करण्यात आले होते. रात्री अकराच्या सुमारास निमलष्करी दलाने फ्लॅग मार्च काढला. धार्मिक स्थळी अडकलेल्या लोकांना सुखरूप बाहेर काढण्यात आले. मध्यरात्री १२ नंतर संपलेल्या शांतता चर्चेत कोणताही करार न झाल्याने मंगळवारी पुन्हा बैठक बोलावण्यात आली आहे.
#WATCH | " In Gurugram, the situation is totally under control, Sohna was our main focus area, peace committee meeting has taken place there, normalcy restored and markets have opened. We have conducted flag march as well…in Gurugram one death reported in Sector 57 mosque, 5… pic.twitter.com/NQ9h0OQ5Zc
— ANI (@ANI) August 1, 2023
हरियाणा सरकारने नूह जिल्ह्याचा अतिरिक्त कार्यभार भिवानीचे पोलीस अधीक्षक नरेंद्र सिंह बिजार्निया यांच्याकडे दिला आहे. रात्री उशिरा ते येथे पोहोचले आणि त्यांनी शांतता चर्चेत भाग घेतला. संचारबंदी लागू झाल्यानंतर सध्या परिस्थिती नियंत्रणात असल्याचे उपायुक्तांनी सांगितले आहे. हिंसाचार करणाऱ्यांची ओळख पटवली जात आहे. सध्या तीन दिवसांपासून इंटरनेट सेवा बंद आहे. जिल्ह्यात कलम १४४ लागू करण्यात आले आहे. भाविकांची सुटका करून त्यांना पोलीस लाईनमध्ये नेण्यात आले आहे. त्यांना सुरक्षितपणे त्यांच्या घरी पोहोचवले जाईल.
BJP will burn down the entire country for majority votes in elections.
Visuals are from the area few kilometers that are away from Delhi NCR.#Mewat #Sohna #Nuh pic.twitter.com/wyVzn80gK0— Bhavika Kapoor (@BhavikaKapoor5) August 1, 2023
काही लोकांना ताब्यात घेऊन चौकशी केली जात असल्याचे वरिष्ठ पोलीस अधिकारी बिजारनिया यांनी सांगितले. शांतता चर्चेला आमदार आफताब अहमद, वक्फ बोर्डाचे प्रशासक झाकीर हुसेन, जिल्हा प्रमुख जान मोहम्मद, रमजान चौधरी, नरेंद्र शर्मा यांच्यासह अनेक मान्यवर उपस्थित होते.
नूह हिंसाचारानंतर जिल्हा प्रशासनाने मंगळवारी मध्यरात्रीनंतर अधिकृत निवेदन जारी केले. त्यात म्हटले आहे की, मेवातला जाणाऱ्या गुरुग्राम पोलिसांच्या ताफ्यावर दगडफेक करण्यात आली. होडलचे डीएसपी सज्जन सिंग, खेरकी दौला पोलीस ठाण्याचे प्रभारी निरीक्षक अजय, आयएमटी मानेसर पोलीस ठाण्याचे प्रभारी निरीक्षक देवेंद्र, निरीक्षक अनिल, अरुण, एसआय दीपक, देवेंद्र, एएसआय राजेश, हेड कॉन्स्टेबल शेर सिंग, कॉन्स्टेबल पवन गंभीर जखमी झाले. होमगार्ड नीरज आणि गुरसेवक यांचा मृत्यू झाला.
Stone pelting can be seen from rooftops in Nuh, Mewat of Haryana. pic.twitter.com/I0fPIlXkIy
— Aditya Raj Kaul (@AdityaRajKaul) July 31, 2023