मुंबई: प्रतिनिधी
मागील तीन वर्षापासून रखडलेल्या ९६ पोलिस निरिक्षकांच्या रखडलेल्या पदोन्नतीचे आदेश आज गृहविभागाने जारी केले. या ९६ अधिकाऱ्यांमध्ये २०१७-१८ आणि २०१८-१९ आणि २०१९-२० या तीन वर्षातील निवड सूचीतील अधिकाऱ्यांचा समावेश आहे. यातील पोलिस निरिक्षकांना उप अधिक्षक आणि सहाय्यक पोलिस आयुक्त पदावर पदोन्नती देण्यात आली आहे. विशेष म्हणजे या सर्व पदोन्नत्या या तात्पुरत्या स्वरूपात असून त्यांना कोणत्याही स्वरूपात सेवाज्येष्ठता आणि नियमितपणाचा लाभ मिळणार नसल्याचे आदेशात स्पष्ट करण्यात आले आहे.
सोबत तात्पुरते पदोन्नतीचे आदेश
