बिहारमधील राजद नेते आणि माजी उपमुख्यमंत्री तेजस्वी यादव यांनी शनिवारी असा आरोप केला की, विधानसभा निवडणूकीसाठी बिहारमध्ये प्रकाशित झालेल्या सुधारित मतदार यादीतून त्यांचे नाव गायब आहे.
राजद नेते तेजस्वी यादव म्हणाले की, “माझे नाव मतदार यादीतही नाही. मी निवडणूक कशी लढवू?”, असा सवालही यावेळी केला.
तेजस्वी यादव यांच्या दाव्यानंतर लगेचच, निवडणूक आयोगाने मतदार यादीची एक प्रत जारी केली ज्यामध्ये त्यांचे तपशील दर्शविले गेले आहेत, ज्यामध्ये पटना येथील पशुवैद्यकीय महाविद्यालयातील एका बूथवर त्यांची यादी असल्याचे पुष्टी केली गेली.
पाटणा येथे पत्रकार परिषदेत यादव यांनी त्यांचा निवडणूक फोटो ओळखपत्र (EPIC) क्रमांक दाखवला आणि तो निवडणूक आयोगाच्या अधिकृत मोबाइल अॅप्लिकेशनमध्ये टाकला, ज्यामध्ये “नो रेकॉर्ड सापडला नाही” अशी त्रुटी दिसून आली.
मेरा नाम वोटर लिस्ट में नहीं है। हम चुनाव कैसे लड़ेंगे?
ताज्जुब की बात है!- श्री @yadavtejashwi जी।{EPIC- RAB2916120} pic.twitter.com/HjxS3rTwHX
— Office of Tejashwi Yadav (@TejashwiOffice) August 2, 2025
“तेजस्वी यादव यांनी त्यांचे नाव मसुदा मतदार यादीत नसल्याचा खोटा दावा केल्याचे आमच्या लक्षात आले आहे. त्यांचे नाव मसुदा मतदार यादीत अनुक्रमांक ४१६ वर आहे. त्यामुळे, मसुदा मतदार यादीत त्यांचे नाव समाविष्ट नसल्याचा कोणताही दावा खोटा आणि तथ्यात्मकदृष्ट्या चुकीचा असल्याचे, निवडणूक आयोगाने स्पष्ट केले. .
तथापि, निवडणूक आयोगाने दिलेला ईपीआयसी EPIC क्रमांक तेजस्वी यादव यांनी शेअर केलेल्या क्रमांकापेक्षा वेगळा होता.
बिहारमधील विशेष सघन पुनरावृत्ती (SIR) ने मोठा वाद निर्माण केला आहे, विरोधी पक्षांनी त्यावर “बहिष्कार टाकण्याचा प्रयत्न” आणि त्यांची मुख्य मतदार असलेल्या समुदायांना मतदानापासून वंचित ठेवण्याचे “षड्यंत्र” असल्याची जोरदार टीका केली आहे. संसदेत आणि बाहेर तीव्र निषेधाच्या पार्श्वभूमीवर, निवडणूक आयोगाने शुक्रवारी सुधारित मसुदा यादी जारी केली, ज्यामध्ये त्यांनी बेकायदेशीर मतदार म्हणून ओळखल्या जाणाऱ्या ६५ लाख मतदारांची नावे वगळण्यात आली.
यावेळी पत्रकार परिषदेत तेजस्वी यादव निवडणूक आयोगावर प्रश्नांची सरबती करत म्हणाले की, ज्यांची नावे वगळण्यात आली आहेत अशा ६५ लाख मतदारांना काही नोटिसा देण्यात आल्या होत्या का? ६५ लाख मतदारांना अपील करण्याची संधी मिळाली का?, असा सवाल केला. निवडणूक आयोग “लक्ष्यित काम करत आहे आणि लोकशाही संपवत आहे” असा आरोपही केला.
नाम- डॉग बाबू नाम- सोनालिका ट्रैक्टर
पिता – कुत्ता बाबू. पिता- स्वराज ट्रैक्टर
माता- कुतिया देवी माता- कार देवी… pic.twitter.com/gCwDivRkTL— Tejashwi Yadav (@yadavtejashwi) July 29, 2025
यावेळी तेजस्वी यादव यांनी निवडणूक आयोगावर “हुकूमशाही पद्धतीने वागत” असल्याचा आरोप करत विरोधी पक्षांच्या तक्रारी आणि सूचनांकडे किंवा सर्वोच्च न्यायालयाने केलेल्या सूचनांकडे त्यांनी लक्ष दिले नाही असा आरोप केला.
मतदाता सूची पुनरीक्षण (स्पेशल इंटेंसिव रिवीजन SIR 2025) की प्रक्रिया में जानबूझकर धांधली की गई है। चुनाव आयोग अब अपने ही वादों से पलट रहा है। 65 लाख मतदाताओं के वोट काटने के बाद भी नई ड्राफ्ट सूची में अस्पष्टता है। निर्वाचन आयोग द्वारा लगातार अपने निर्णय बदलने, पारदर्शिता से पीछे… pic.twitter.com/Lwx63665TF
— Tejashwi Yadav (@yadavtejashwi) August 2, 2025
विधानसभा निवडणुकीसाठी काही महिने शिल्लक असताना विशेष सघन सुधारणा (SIR) अंतर्गत तयार केलेल्या मतदार यादीच्या मसुद्याच्या प्रती मतदारांसाठी ऑनलाइन उपलब्ध आहेत.
राजकीय पक्षांच्या प्रतिनिधींना जिल्हावार छापील प्रती उपलब्ध करून देत आहेत जेणेकरून ‘दावे आणि हरकती’ टप्प्यात, जे १ सप्टेंबरपर्यंत ‘अंतिम यादी’ प्रकाशित होण्यापूर्वी सुरू राहील, त्या दरम्यान काही विसंगती आढळल्यास त्या दूर करता येतील असा दावा निवडणूक आयोगाकडून देण्यात आले.