मुंबईः प्रतिनिधी
विधानसभा निवडणूकीत तिकिट मिळेल, नाही मिळाले तर बंडखोरी करत निवडणूकीच्या रिंगणात उतरणारे तुमसरचे विद्यमान आमदार चरण वाघमारे, नगरसेविका गीता जैन यांच्यासह चार जणांना पक्षातून काढून टाकल्याची माहिती भाजपा प्रदेशाध्यक्ष चंद्रकांत पाटील यांनी प्रसिध्दी पत्रकान्वये दिली.
भारतीय जनता पार्टी- शिवसेना महायुतीच्या अधिकृत उमेदवारांच्या विरोधात बंडखोरी करून निवडणूक लढविणाऱ्या आमदार चरण वाघमारे, मीरा-भाईंदर महानगरपालिकेच्या नगरसेविका गीता जैन, पिंपरी-चिंचवडचे बाळासाहेब ओव्हाळ, आणि लातूरचे दिलीप देशमुख यांना निष्काषित केले. तर अपक्ष उमेदवार म्हणून निवडणूक लढविणारे भाजपा पालघर जिल्हा सरचिटणीस संतोष जनाठे यांनी पक्षाचा राजीनामा दिला.