अधिसूचना जारी, उमेदवारी अर्ज आजपासून दाखल होणार

मुंबईः प्रतिनिधी
महाराष्ट्र विधानसभा निवडणूकीच्या कार्यक्रमास आता प्रत्यक्षात सुरुवात झाली असून निवडणूकीसाठी उमेदवारांना आपला उमेदवारी अर्ज दाखल आता करता येणार आहे. राजकिय पक्षांना आणि अपक्ष उमेदवारांना त्यांचे अर्ज जिल्हाधिकारी कार्यालयात अर्थात निवडणूक अधिकाऱ्यांकडे आजपासून दाखल करता येणार आहे.
राज्यातील सर्वच ग्रामीण आणि शहरी भागातील उमेदवारांसाठी निवडणूक आयोगाकडून आज अधिसूचना प्रसिध्द करण्यात आली. तसेच या अधिसूचनेबरोबर निवडणूकीचा कार्यक्रमही जाहीर करण्यात आला.