शनिवारी (६ जून २०२६) ‘कॉकरोच जनता पार्टी’च्या (CJP) सदस्यांनी जंतरमंतर येथे आंदोलन सुरू केल्यामुळे दिल्ली पोलीस आणि निमलष्करी दलांना राजधानीतील महत्त्वाच्या ठिकाणी तैनात करण्यात आले आहे, अशी माहिती अधिकाऱ्यांनी दिली. उपहासात्मक ऑनलाइन ‘कॉकरोच जनता पार्टी’चे संस्थापक अभिजीत दिपके अमेरिकेतून राजधानीत दाखल झाले असून, त्यांनी “जंतरमंतरवर सर्वांना भेटण्यास मी उत्सुक आहे,” असे म्हटले आहे. “आपल्याला ही चळवळ प्रेम आणि शांततेच्या मार्गाने पुढे न्यायची आहे!” असेही त्यांने ‘एक्स’ (X) वरील एका पोस्टमध्ये नमूद केले.
या आठवड्याच्या सुरुवातीला, परीक्षांशी संबंधित त्रुटींमुळे केंद्रीय शिक्षण मंत्री धर्मेंद्र प्रधान यांच्या राजीनाम्याची मागणी करण्यासाठी शांततापूर्ण आंदोलन सुरू करण्याकरिता बोस्टनहून भारतात परतणार असल्याचे अभिजीत दिपके यांनी जाहीर केले होते. शिक्षण क्षेत्रातील सुधारक आणि पर्यावरणवादी कार्यकर्ते सोनम वांगचुक यांनी सांगितले की, जर मंत्री प्रधान यांनी ५ जूनपर्यंत राजीनामा दिला नाही, तर ते या आंदोलनात सहभागी होतील.
Permission granted by police!
Cockroaches gather at Jantar Mantar
— Abhijeet Dipke (@abhijeet_dipke) June 6, 2026
शनिवारी ‘कॉकरोच जनता पार्टी’च्या (CJP) सदस्यांनी जंतरमंतर येथे आंदोलन सुरू केल्यामुळे दिल्ली पोलीस आणि निमलष्करी दलांना राजधानीतील महत्त्वाच्या ठिकाणी तैनात करण्यात आले आहे, अशी माहिती अधिकाऱ्यांनी दिली.
नवी दिल्लीत ‘कॉकरोच जनता पार्टी’च्या (CJP) आंदोलनादरम्यान पक्षाच्या राष्ट्रीय सचिव ॲनी राजा आणि इतर नेत्यांवर कथितपणे झालेल्या आरएसएसच्या (RSS) हल्ल्याचा सीपीआयचे (CPI) राज्य सचिव बिनॉय विश्वम यांनी शुक्रवारी (६ जून २०२६) निषेध केला आणि याच्या निषेधार्थ केरळभर शाखा-स्तरावर निदर्शने करण्याचे आवाहन केले.
They said cockroaches will never come on the ground… pic.twitter.com/awz1GdoKVq
— Abhijeet Dipke (@abhijeet_dipke) June 6, 2026
एका निवेदनात विश्वम म्हणाले की, दिल्लीतील जंतरमंतर येथे परीक्षांमधील कथित अनियमिततेविरुद्ध आंदोलन करणाऱ्या सीजेपी CJP कार्यकर्त्यांना पाठिंबा दर्शवत असताना ॲनी राजा, ‘नॅशनल फेडरेशन ऑफ इंडियन वुमन’च्या (NFIW) सरचिटणीस निशा सिद्धू आणि इतर नेत्यांवर झालेला हल्ला धक्कादायक होता.
मेरी माँ को बहुत डर था की मुझे ये सरकार जेल में डाल देगी। इस देश में उस हर माँ को ये डर होता है जब उनका बच्चा इस सरकार के ख़िलाफ़ आवाज़ उठाता है।
कब तक हम इस सरकार से डर कर जियेंगे? #cjpprotest pic.twitter.com/evleZtL2M6
— Cockroach is Back (@Cockroachisback) June 6, 2026
परीक्षा घोटाळ्याच्या आरोपांवरून केंद्रीय शिक्षण मंत्री धर्मेंद्र प्रधान यांच्यावर कारवाई करण्याऐवजी केंद्र सरकार आंदोलने दडपण्याचा प्रयत्न करत असल्याचा आरोप करत विश्वम म्हणाले की, अशा कृती जनता कदापि माफ करणार नाही.
तरूण हे देशाचे भविष्य, त्यांना झुरळ संबोधने अयोग्य-उद्धव ठाकरे
शिवसेना उबाठाचे (UBT) प्रमुख उद्धव ठाकरे यांनी आज म्हटले की, परीक्षांशी संबंधित त्रुटींमुळे शिक्षण मंत्री धर्मेंद्र प्रधान यांच्या राजीनाम्याची मागणी करत जंतरमंतर येथे आंदोलन करणाऱ्या तरुणांचे म्हणणे केंद्र सरकारने ऐकून घेतले पाहिजे आणि त्यांना कमी लेखू नये. फेसबुकवरील एका पोस्टमध्ये, शिवसेना उबाठा (UBT) नेते संजय राऊत यांनी उद्धव ठाकरे यांचा संदेश प्रसारित केला. यात म्हटले होते की, तरुण हे देशाचे भविष्य आहेत आणि ते कडक उन्हात आंदोलन करत आहेत. त्यांना न्याय नाकारणे आणि त्यांना ‘झुरळ’ (cockroach) म्हणून संबोधणे अयोग्य आहे.
“लोग कहते हैं आंदोलन, धरना प्रदर्शन और जुलूस निकालने से क्या होता है ?
इससे यह सिद्ध होता है कि हम जीवित हैं !”सरकार के लिए हम हो सकते हैं कीड़े मकौड़े, लेकिन हम जीवित है और अपने हकों की लड़ाई लड़ने के लिए सक्षम है #cjpprotest pic.twitter.com/pDfenVCHFy
— Cockroach is Back (@Cockroachisback) June 6, 2026
नीट NEET परीक्षेची प्रश्नपत्रिका फुटल्यामुळे (पेपर लीक) लाखो तरुणांचे आयुष्य उद्ध्वस्त झाले आहे आणि ते त्याविरोधात आंदोलन करत आहेत, असे महाराष्ट्राचे माजी मुख्यमंत्री उद्धव ठाकरे यांनी सांगत पुढे म्हणाले की, “सरकारने तरुणांचा आवाज ऐकला पाहिजे आणि ‘झुरळा’ला (cockroach) कमी लेखू नये. जंतरमंतरवरील आंदोलकांनी हाच संदेश दिला असल्याचे सांगितले.”
‘कॉकरोच जनता पार्टी’च्या (CJP) सदस्य आणि समर्थकांनी आज जंतरमंतरवर केलेले आंदोलन आता संपले आहे.
‘कॉकरोच जनता पार्टी’च्या (CJP) समर्थकांनी आयोजित केलेल्या या आंदोलनासाठी शालेय विद्यार्थी, महाविद्यालयीन तरुण, स्पर्धा परीक्षांची तयारी करणारे उमेदवार आणि पालक जंतरमंतरवर मोठ्या संख्येने जमले होते. शिक्षण व्यवस्थेबाबतच्या चिंतांमुळे आपण या निदर्शनांत सहभागी झाल्याचे अनेकांनी सांगितले.
आज सकाळपासूनच जमाव जमण्यास सुरुवात झाली होती आणि दिवसभरात त्यात भर पडत गेली.
एका वृत्तसंस्थेशी बोलताना अनेक सहभागींनी सांगितले की, परीक्षांशी संबंधित वारंवार होणारे वाद, निकालांबाबतची अनिश्चितता आणि प्रशासनाकडून उत्तरदायित्वाचा अभाव, यामुळे त्यांचा व्यवस्थेवरील विश्वास डळमळीत झाला आहे. काहींनी सत्ताधारी भारतीय जनता पक्ष (BJP) आणि विरोधी पक्ष या दोघांबद्दलही निराशा व्यक्त केली; तरुणांवर परिणाम करणाऱ्या मुद्द्यांकडे पुरेसे लक्ष दिले जात नसल्याचे त्यांनी म्हटले.
Abhijeet Dipke says “this movement will go nationwide. Dharmendra Pradhan will have to resign. The government has taken people for granted” @abhijeet_dipke @CJP_2029 @AshutoshRanka @SauravDassss pic.twitter.com/UMiqsCjaWv
— Smita Sharma (@Smita_Sharma) June 6, 2026
राष्ट्रवादीचे रोहित पवार यांचा सीजेपीच्या आंदोलनाला पाठिंबा
नीट NEET आणि सीबीएसई CBSE परीक्षांमधील कथित अनियमिततेविरुद्ध ‘कॉकरोच जनता पार्टी’ने (CJP) पुकारलेल्या आंदोलनाला राष्ट्रवादी काँग्रेस (SP) चे सरचिटणीस रोहित पवार यांनी आज पाठिंबा दर्शविला.
या ऑनलाइन चळवळीचे संस्थापक अभिजीत दिपके यांनी आज दिल्लीतील जंतरमंतरवर आयोजित निदर्शनांत सहभाग घेतला. कडक सुरक्षा व्यवस्थेत पार पडलेल्या या आंदोलनात मोठ्या संख्येने तरुण सहभागी झाले होते.
एका निवेदनात रोहित पवार म्हणाले की, या आंदोलनाला मिळालेला प्रचंड प्रतिसाद केंद्राची धोरणे आणि महत्त्वाच्या परीक्षांचे कथित गैरव्यवस्थापन यांविरुद्ध देशातील तरुणांमध्ये वाढणारा असंतोष दर्शवतो.
“आंदोलनातील तरुणांचा अभूतपूर्व सहभाग तरुणांमधील धुमसत असलेला असंतोष दर्शवतो. नीट NEET आणि सीबीएसई CBSE परीक्षांमधील अनियमितता आणि केंद्र सरकारच्या अनेक चुकीच्या धोरणांचा थेट परिणाम तरुण पिढीवर झाला असून त्यामुळे मोठ्या प्रमाणावर संताप निर्माण झाला आहे,” असे ते म्हणाले. जंतर-मंतर येथे ‘कॉकरोच जनता पार्टी’च्या (CJP) आंदोलनादरम्यान दोन गटांमध्ये होऊ शकणारा संघर्ष टाळण्यासाठी दिल्ली पोलिसांनी आज सहा जणांना ताब्यात घेतले, अशी माहिती अधिकाऱ्यांनी दिली.
एका ऑनलाइन चळवळीच्या समर्थकांमध्ये आणि विरोधकांमध्ये तणाव निर्माण होण्याची शक्यता असल्याची माहिती मिळाल्यानंतर, कायदा व सुव्यवस्था राखण्याच्या दृष्टीने खबरदारीचा उपाय म्हणून ही कारवाई करण्यात आल्याची माहिती पोलिसांनी दिली.