Marathi e-Batmya
Related Articles
मुंबई : प्रतिनिधी
भाजपचे नेते चंद्रकांत पाटील तुळजापूर मध्ये राहोत किंवा कोल्हापूरमध्ये त्यांचे डिपॉझिट जप्त करण्याची ताकद आमच्याकडे आहे असे खुले आव्हान राष्ट्रवादी काँग्रेसचे राष्ट्रीय प्रवक्ते आणि अल्पसंख्याक मंत्री नवाब मलिक यांनी दिले.
भाजप नेते आणि प्रदेशाध्यक्ष चंद्रकांत पाटील यांनी तुळजापूर आणि कोल्हापूरमध्ये निवडून येण्याचे आव्हान दिले होते. त्या आव्हानाला नवाब मलिक यांनी तसेच जोरदार उत्तर दिले आहे.
चंद्रकांत पाटील हे तुळजापूरमध्ये निवडणूक घ्या असे सांगतानाच निवडून आलो नाही तर राजकीय संन्यास घेत हिमालयात जाईन अशी घोषणा केली होती.
दरम्यान तुळजापूर विधानसभा ही भाजपकडे आहे. त्या आमदारांचा राजीनामा घ्या आणि भाजपची हिंमत असेल तर राजीनामा घेवून चंद्रकांत पाटील यांनी उभं राहून दाखवावं त्यांना पराभूत कसं करायचं हे दाखवून देवू असे जाहीर आव्हानच नवाब मलिक यांनी दिले.
