Marathi e-Batmya
Related Articles
नांदगाव – मनमाड विधानसभा मतदार संघात विद्यमान आमदारांच्या उमेदवारीला विरोध वाढत असून आज राष्ट्रवादी काँग्रेस पार्टीच्या कार्यकर्ते आणि पदाधिकारी यांनी थेट अजित पवार यांचे निवासस्थान गाठत आपली कैफियत मांडली.
उपमुख्यमंत्री अजित पवार यांची भेट घेऊन राष्ट्रवादी काँग्रेसला ही जागा देण्यात यावी या मागणीसाठी जवळपास ४०० ते ५०० कार्यकर्ते देवगिरी या निवासस्थानी दाखल झाले आहे. नांदगावची जागा राष्ट्रवादीला मिळावी अथवा शिवसेनेने उमेदवार बदलावा अशी कार्यकर्त्यांची मागणी आहे.पंरतु, शिंदेंच्या शिवसेनेचा उमेदवार दिला गेला तर त्यांच्या उमेदवाराचे काम करणार नाही, असेही राष्ट्रवादीच्या कार्यकर्त्यांनी म्हटले आहे.
नांदगाव मनमाड येथील जनता विद्यमान आमदारांना त्रस्त आहे. जनता भयभीत असून जनतेची मागणी आहे की या जागेवर राष्ट्रवादी काँग्रेस पार्टीने लढले पाहिजे. या मतदारसंघातून राष्ट्रवादी काँग्रेस पार्टीचे नेते समीर भुजबळ यांनी लढावे अशी मागणी होत आहे. जनता त्रस्त असताना त्याच व्यक्तीला उमेदवारी देणे चुकीचे आहे. ही मागणी घेऊन
आज नांदगाव- मनमाड मतदारसंघातील राष्ट्रवादी काँग्रेसच्या पदाधिकारी व कार्यकर्त्यांनी मुंबईत अजित पवारांच्या देवगिरी या निवासस्थानी भेट घेतली.यावेळी कार्यकर्त्यांनी भुजबळ साहेब आगे बढो, हम तुम्हारे साथ है या घोषणांनी परिसर दणाणून सोडला होता. तसेच कोणत्याही परिस्थिती आपण सुहास कांदेचे काम करणार नाही ,अशी भूमिकाही राष्ट्रवादीच्या कार्यकर्त्यांनी घेतली आहे.
यावेळी राष्ट्रवादी काँग्रेस पार्टीचे विधानसभा अध्यक्ष विनोद शेलार, नांदगाव तालुकाध्यक्ष विजय पाटील , मालेगाव तालुकाध्यक्ष रतन हलवर, मनमाड शहराध्यक्ष दीपक गोगड, कार्याध्यक्ष बाळासाहेब जाधव, नांदगाव शहराध्यक्ष अरुण पाटील, अमित पाटील, राजेंद्र लाटे, आबा साळुंखे, संपत पवार, प्रतापदादा गरुड, दत्तू पवार, नारायण पवार, महेंद्र शिसोदे यांच्यासह ४०० ते ५०० कार्यकर्ते पदाधिकारी उपस्थित होते.
दरम्यान, अजित पवार यांच्या पक्षाच्या स्टार प्रचारकांची यादी आज जाहिर करण्यात आली.
महाराष्ट्रात फक्त गुलाबी वादळ घोंघावणार,
राष्ट्रवादीच्या घड्याळाचे काटे जोमानं फिरणार..!विकासाचा राष्ट्रवादी विचार सर्वसामान्यांपर्यंत पोहचवण्यासाठी, आगामी विधानसभा निवडणुकीच्या पार्श्वभूमीवर राष्ट्रवादी काँग्रेस पक्षाच्या स्टार प्रचारकांची यादी खालीलप्रमाणे जाहीर करण्यात येत… pic.twitter.com/0ph5JqMhDG
— Ajit Pawar (@AjitPawarSpeaks) October 21, 2024
