Marathi e-Batmya
Related Articles
नवी दिल्लीः प्रतिनिधी
सरकारी दुरसंचार कंपनी बीएसएनएलने अवघ्या ४९९ रुपयांमध्ये एक नवीन फिचर फोन आणला आहे. बीएसएनएलने मोबाईल हँडसेट तयार करणारी कंपनी डिटेलच्या सहकार्याने हा फोन तयार केला आहे. या फोनवर १ वर्ष व्हॉईस कॉलची ऑफर मिळणार आहे. फोनची घोषणा जयपूरमध्ये करण्यात आली.
फोनची मूळ किंमत ३४६ रुपये असून बीएसएनएलने दिलेल्या बंपर ऑफर मुळे फोनची किमत ४९९ रुपये झाली आहे.ऑफरची किंमत आहे १५३ रुपये आहे. या ऑफरमध्ये वर्षभर बीएसएनएल टू बीएसएनएल १५ पैसे प्रति मिनिट दर आकारला जाईल तर बीएसएनएल टू अन्य नेटवर्कवर ४० पैसे प्रति मिनिट दर असेल.
या फोनला १.४४ इंच असलेला मोनोक्रोम डिस्प्ले आहे. हा GSM 2G नेटवर्कवर काम करतो. यामध्ये केवळ एकच सिम वापरता येणार असून ६५० mAh क्षमता असलेली बॅटरी फोनमध्ये आहे.
