Marathi e-Batmya
Related Articles
मुंबई: प्रतिनिधी
कोरोनाच्या प्रादुर्भावात घट होताना दिसत असले तरी शाळा, कॉलेज सुरु करण्याबाबत राज्य सरकारने अद्याप निर्णय घेतलेला नाही. यापार्श्वभूमीवर विद्यार्थ्यांचे शैक्षणिक नुकसान होवू नये यासाठी शाळेच्या विद्यार्थ्यांसाठी ऑनलाईन क्लासेस सुरु करण्यात आले. त्याचधर्तीवर आता ११ वीच्या विद्यार्थ्यांचे ऑनलाईन क्लासेसच्या मार्फत शिक्षण सुरु करण्याचा निर्णय राज्य सरकारने घेतला असून या क्लासेस उद्या सोमवारी २ नोव्हेंबरपासून सुरु करण्याचा निर्णय घेतल्याची माहिती राज्याच्या शालेय शिक्षण मंत्री वर्षा गायकवाड यांनी ट्विटरच्या माध्यमातून दिली.
११ वीच्या विद्यार्थ्यांना ऑनलाईन क्लासेसच्या माध्यमातून शिक्षण मिळावे यासाठी covid19.scertmaha.ac.in/eleventh या संकेतस्थळावर नोंदविण्याचे आवाहन त्यांनी केले. तसेच या संकेस्थळाच्या माध्यमातून ११ वीच्या कला, वाणिज्य आणि विज्ञान या तिन्ही शाखेच्या विद्यार्थ्यांचे शिक्षण सुरु करण्यात येणार असल्याचे त्यांनी सांगितले.
राज्यातील इ. 11 वी च्या विद्यार्थ्यांसाठी कला, वाणिज्य व शास्त्र शाखेचे ऑनलाईन क्लास शालेय शिक्षण विभाग दि. 02 नोव्हेंबर 2020 पासून सुरू करत आहे. इच्छूक विद्यार्थी https://t.co/FIMuHFJGt4 येथे नावनोंदणी करून याचा लाभ घेऊ शकतात.@CMOMaharashtra @AjitPawarSpeaks @scertmaha
— Prof. Varsha Eknath Gaikwad (@VarshaEGaikwad) November 1, 2020
