जिंदाल कंपनीतील आग सात तास झाले तरी अद्यापही धुमसतेय: मुख्यमंत्री भेट देणार एकाचा मृत्यू तर १७ जणांवर उपचार सुरु

Related Articles

मुख्यमंत्री फडणवीस यांची माहिती, शासकीय कामकाजात ‘एआय’च्या प्रभावी वापरावर भर मुंबई येथे नॅसकॉम टेक्नॉलॉजी अँड लिडरशिप फोरम २०२६च्या कार्यक्रमात व्यक्त केले मत

1 hour ago

दादर येथे भाजपा कार्यालयासमोर युवक काँग्रेसचे तीव्र आंदोलन भाजप कार्यालयासमोर फुले उधळून राहुल गांधींना दिलेल्या जीवे मारण्याच्या धमकीचा केला निषेध

3 days ago

पैलवान महेश घुले यांची राष्ट्रीय स्पर्धेसाठी निवड ७२ वजनी गटातील कुस्ती स्पर्धेसाठी झाली निवड

4 days ago

नाशिक जिल्ह्यात असलेल्या इगतपुरी तालुक्यातील मुंढेगाव येथील जिंदाल पॉलीफिल्म प्रकल्पात बॉयलरचा स्फोट होऊन झालेल्या दुर्घटना घडली. या दुर्घटनेत ४ जणांची प्रकृती गंभीर आहे. एकाचा मृत्यू झाला तर १७ जणांवर खाजगी रूग्णालयात उपचार सुरु आहे. तसेच १९ जणांना बाहेर काढण्यात यश आले आहे. बॉयलरचा झालेल्या स्फोटानंतर कंपनीत भीषण आग लागली असून सात तास झाले तरी आग अजूनही धुमसत आहे. ही आग एवढी भीषण आहे की आगीचे लोळ दूरवरून दिसत आहे. आगीच्या या दुर्घटनेवर मुख्यमंत्री एकनाथ शिंदे यांनी प्रतिक्रिया दिली आहे.

मुख्यमंत्री एकनाथ शिंदे म्हणाले, कंपनीत सुर्दैवाने जास्त लोक अडकले नाहीत. कंपनीतील लोकांना बाहेर काढण्यासाठी बचावकार्य सुरु आहे. मी घटनास्थळी जाणार असल्याचे मुख्यमंत्री शिंदे यांनी स्पष्ट केले.
मुख्यमंत्री एकनाथ शिंदे आज औरंगाबादमधील सिल्लोडमध्ये प्रसारमाध्यमांशी संवाद साधत होते.

जिल्हाधिकारी आणि पोलिस अधीक्षक यांच्याशी मी सातत्याने संपर्कात असून आपातकालीन स्थितीत लष्कराचे 2 हेलिकॉप्टर सुद्धा सज्ज ठेवण्यात आले आहेत.

— Devendra Fadnavis (Modi Ka Parivar) (@Dev_Fadnavis) January 1, 2023

शहापूर, इगतपुरी, नाशिक महापालिका, एमआयडीसी, राष्ट्रीय महामार्ग यांची अग्निशमन यंत्रणा घटनास्थळी दाखल झाले असून, आतमध्ये अडकलेल्या लोकाचं बचावकार्य सुरु आहे. जखमींवर सुयश रुग्णालयात उपचारासाठी दाखल करण्यात आलं आहे, असे एकनाथ शिंदेंनी सांगितलं.

कंपनीतील एका ठिकाणी अद्यापही तीन लोकं अडकले आहे. बचावकार्यासाठी हेलिकॉप्टरची मदत घेण्यात येत आहे. अडकलेल्या लोकांना बाहेर काढण्यासाठी सर्व प्रकारची मदत केली जाणार आहे. तसेच, आगीवर नियंत्रणासाठी सर्व प्रयत्न करण्यात येत आहे, असल्याचेही त्यांनी सांगितले.

नाशिक जिल्ह्यात इगतपुरीनजीक जिंदाल कंपनीत स्फोटामुळे आग लागल्याची दुर्दैवी घटना घडली. आग विझविण्याचे शर्थीचे प्रयत्न प्रशासनाच्या वतीने करण्यात येत आहेत. अतिरिक्त अग्निशमन दल सुद्धा पाचारण करण्यात आले आहे.

— Devendra Fadnavis (Modi Ka Parivar) (@Dev_Fadnavis) January 1, 2023

आतापर्यंत एकूण 19 लोकांना बाहेर काढण्यात यश आले असून, 17 जणांना खाजगी रुग्णालयात दाखल करण्यात आले आहे. यापैकी 4 जणांची प्रकृती गंभीर असून दुर्दैवाने एकाचा मृत्यू झाला आहे. माझ्या संवेदना त्यांच्या कुटुंबीयांसोबत आहेत.

— Devendra Fadnavis (Modi Ka Parivar) (@Dev_Fadnavis) January 1, 2023