Marathi e-Batmya
Related Articles
औरंगाबादः प्रतिनिधी
सामाजिक कार्यकर्त्या अंजली दमानिया या सोमवारी काही खाजगी कामानिमित्त शहरात आल्या असतांना त्यांचे पावणे दोन लाख रु. किमतीचे घड्याळ हरवले व पोलिसांत तक्रार करताच सापडले. या प्रकरणी क्रांती चौक पोलिसांनी पाच संशयित ताब्यात घेताच घड्याळ दमानिया थांबलेल्या खोलित चादरीला अडकलेल्या अवस्थेत सापडले.
अंजली दमानिया सोमवारी रात्री ९.३० वा. निराला बाजार येथील हॉटेल पर्ल मधे उतरल्या होत्या.मंगळवारी सकाळी १० च्या सुमारास हॉटेल सोडल्यानंतर त्यांच्या हातात घड्याळ नसल्याचे लक्षात आले. लॉगिन्सवॉचया कंपनीचे १ लाख ७५ हजारांचे ते घड्याळ होते. त्यांनी हॉटेल पर्ल याबाबत चौकशी केली असता. त्यांनी समाधानकारक उत्तर दिले नाही. म्हणून दमानिया यांनी क्रांती चौक पोलिस ठाण्यात तक्रार देताच बुधवारी दमानिया उतरलेल्या खोलितच घड्याळ सापडल्याचे पर्ल हॉटेल प्रशासनाने पोलिसांना सांगितले. या प्रकरणी पुढील तपास एपीआय राहूल सूर्यतळ करत आहेत.
