Marathi e-Batmya
Related Articles
मुंबईतील झोपडपट्टी पुनर्वसन प्रकल्पांतील (एसआरए) बाधितांसाठी कायमस्वरूपी संक्रमण शिबिरांची (पीटीसी) आवश्यकता असते. एमएमआरडीए, महानगरपालिका आदी यंत्रणांच्या विकासकामांमुळे बाधित होणाऱ्या रहिवाशांसाठी (पीएपी) देखील सदनिकांची आवश्यकता आहे. तथापि एसआरएला संक्रमण शिबिरांची आवश्यकता असल्याने यामधील सदनिका प्रकल्पबाधित शिबिरामध्ये रुपांतरित करून देण्याबाबत लवकरच बैठक आयोजित करून मार्ग काढण्यात येईल, असे गृहनिर्माण मंत्री अतुल सावे यांनी विधानसभेत सांगितले.
सदस्य अतुल भातखळकर यांनी यासंदर्भातील लक्षवेधी सूचना मांडली होती. या अनुषंगाने झालेल्या चर्चेत सदस्य सर्वश्री सुनील प्रभू, योगेश सागर यांनी सहभाग घेतला.
मंत्री अतुल सावे म्हणाले, मुंबईत पाच हजार ४४१ कायमस्वरुपी संक्रमण शिबिरे उपलब्ध असून त्यापैकी २८८ सध्या उपलब्ध आहेत. या अनुषंगाने संक्रमण शिबिरांची संख्या वाढविण्यात येईल. त्याचबरोबर एसआरएच्या प्रकल्पांची गती वाढविण्यात येईल. ज्या ठिकाणी शिबिरांची मागणी नसेल त्यांची प्रत्यक्ष पाहणी करून त्याबाबत निर्णय घेण्यात येईल, असेही सांगितले.
मुंबईतील कायम स्वरुपी ट्रान्झिट कॅंपमधील घरांचे (पीटीसी) प्रकल्पबाधित लोकांना (पीएपी) म्हणून वाटप करावे अशी लक्षवेधी सुचना मी सभागृहात मांडली, मंत्री महोदयांनी माझ्या सुचनेला अत्यंत सकारात्मक प्रतिसाद दिला. pic.twitter.com/5GTwzqyWC1
— Atul Bhatkhalkar (मोदी का परीवार) (@BhatkhalkarA) December 15, 2023
