टायगर आणि कृतीच्या ‘गणपत’ ची बॉक्स ऑफिसवर संथ सुरवात प्रदर्शापूर्वी चर्चेत असलेला गणपत चित्रपटाला प्रेक्षकांचा अल्पप्रतिसाद

Related Articles

रणवीर सिंगच्या विरोधात बॅनचे अस्त्र, डॉन ३ मधून अचानक बाहेर पडला फेडरेशन ऑफ वेस्टर्न इंडिया सिने एम्प्लॉईजने घातली बंदी

2 days ago

ज्येष्ठ अभिनेत्री उषा चव्हाण यांना उपमुख्यमंत्री एकनाथ शिंदे यांनी दिला दिलासा पुण्यातील धनकवडी येथील टीडीआर प्रकरणाला उपमुख्यमंत्री शिंदे यांनी दिली तात्पुरती स्थगिती

1 week ago

आशिष शेलार यांची माहिती, चित्रपट उद्योगासाठी प्रोत्साहन धोरणाचा अभ्यास करण्यासाठी समिती राज्यात नवीन फिल्म सिटी, सिंगल विंडो क्लिअरन्स आणि आधुनिक चित्रीकरण सुविधांवर भर

2 weeks ago

अभिनेता टायगर श्रॉफ आणि कृती सेनन यांच्या ‘गणपत’ या चित्रपटाची त्यांचे चाहते आतुरतेने वाट पाहत असताना शुक्रवारी हा चित्रपट चित्रपटगृहात रिलीज झाला आहे. बॉलिवूडचे महानायक अमिताभ बच्चन यांनीही या चित्रपटात काम केलं आहे. गणपत या चित्रपटाची प्रदर्शनापूर्वी खूप चर्चा झाली होती, पण या चित्रपटानं बॉक्स ऑफिसवर संथ सुरुवात केली आहे. जाणून घेऊयात या चित्रपटाचे पहिल्या दिवसाचे बॉक्स ऑफिस कलेक्शन…

विकास बहल दिग्दर्शित ‘गणपत’ या चित्रपटात अॅक्शन आणि ड्रामा याचा तडका प्रेक्षकांना बघायला मिळत आहे. Sacnilk च्या सुरुवातीच्या ट्रेंड रिपोर्टनुसार, ‘गणपत’ या चित्रपटाने रिलीजच्या पहिल्या दिवशी केवळ २.५० कोटी रुपये कमावले आहेत. आता वीकेंडला हा चित्रपट चांगली कमाई करेल, असा अंदाज लावला जात आहे.

‘गणपत’ हा टायगरचा आतापर्यंतचा सर्वात कमी ओपनिंग-डे कलेक्शन करणारा चित्रपट आहे. यापूर्वीच्या टायगरच्या चित्रपटांचे ओपनिंग-डे कलेक्शन जास्त होते. टायगरच्या ‘हिरोपंती २’ या चित्रपटाची पहिल्या दिवशीची कमाई ६. ५० कोटी रुपये होती. तर ‘बागी ३’ या चित्रपटानं १७ कोटींची कमाई केली होती. टायगरचा ब्लॉकबस्टर चित्रपट ‘वॉर’ने पहिल्या दिवशी ५३.३५ कोटींची कमाई केली होती, तर ‘स्टुडंट ऑफ द इयर 2’ने ओपनिंग-डेला १२.०६ कोटींची कमाई केली होती.