Marathi e-Batmya
Related Articles
सोलापूर: प्रतिनिधी
राज्यात कोरोना विषाणू ग्रस्त रूग्णांची संख्या वाढत असताना सोलापूर जिल्ह्यात एकही कोरोनाचा रूग्ण नव्हता. मात्र मागील काही दिवसात एक रूग्ण सापडला त्यानंतर त्याचा मृत्यूही झाला. त्यानंतर काहीजणांच्या करण्यात आलेल्या चाचण्यांमध्ये निगेटीव्ह अहवाल प्राप्त झाला. मात्र आज १० कोरोनाबाधीत रूग्ण सापडल्याची माहिती जिल्हाधिकारी मिलिंद शंभरकर यांनी दिली.
यापूर्वीचा रूग्ण शहरातील न्यू पाच्छा पेठ येथील रूग्ण होता. मात्र त्याचा मृत्यू झाल्यानंतर याच परिसरातील एका महिलेची चाचणी करण्यात आली होती. त्यावेळी सदर महिलेचा अहवाल निगेटीव्ह आल्यानंतर सोलापूर शहर कोरोनामुक्त झाल्याचा दिलासा शहरवासियांना मिळाला. परंतु आज १० जण कोरोनाबाधीत असल्याचे आढळून आले.
