Marathi e-Batmya
Related Articles
परराष्ट्र मंत्रालयाने शुक्रवारी एक अधिसूचना जारी करून भारतीयांना पुढील सूचना मिळेपर्यंत इराण आणि इस्रायलचा प्रवास टाळण्यास सांगितले आहे. पुढील ४८ तासांत इराण इस्रायलवर थेट हल्ला करणार असल्याच्या वृत्तांदरम्यान ही बाब समोर आली आहे.
मंत्रालयाने सध्या इराण किंवा इस्रायलमध्ये राहणाऱ्या भारतीयांना तेथील भारतीय दूतावासांशी संपर्क साधून स्वतःची नोंदणी करण्याचे आवाहन करत त्यांना त्यांच्या सुरक्षिततेबद्दल अत्यंत सावधगिरी बाळगण्याची आणि त्यांच्या हालचाली कमीतकमी मर्यादित ठेवण्याची विनंती केली, असल्याचे परराष्ट्र मंत्रालयाने आपल्या अहवालातून सांगितले.
इस्रायलमधील भारतीय दूतावासाने देशातील भारतीय नागरिकांना “अनावश्यक प्रवास टाळा, शांत रहा” आणि स्थानिक अधिकाऱ्यांनी जारी केलेल्या सुरक्षा मार्गदर्शक तत्त्वांचे पालन करण्यास सांगितले.
वॉल स्ट्रीट जर्नलने इराणच्या नेतृत्वाने माहिती दिलेल्या एका व्यक्तीचा हवाला देत वृत्त दिले की, इराण पुढील ४८ तासांत इस्रायलवर थेट हल्ला करेल. तसेच त्या व्यक्तीने म्हटले आहे की इराण अजूनही इस्रायलवर थेट हल्ल्याच्या राजकीय परिणामाचा विचार करत असल्याचे वृत्त दिल्यानंतर परराष्ट्र मंत्रालयाने भारतीय नागरिकांना वरिल इशारा जारी केला.
दरम्यान, दोन अमेरिकन अधिकाऱ्यांनी बीबीसीच्या यूएस पार्टनर सीबीएस न्यूजला सांगितले की, शुक्रवारी लवकरच हल्ला होऊ शकतो. एका अधिकाऱ्याने असेही सांगितले की या हल्ल्यात १०० हून अधिक ड्रोन, डझनभर क्रूझ क्षेपणास्त्रे आणि संभाव्यतः बॅलिस्टिक क्षेपणास्त्रांचा समावेश असू शकतो जे इस्रायलमधील लष्करी लक्ष्यांना लक्ष्य केले जातील.
सीरियातील इराणी वाणिज्य दूतावास उद्ध्वस्त केल्याने दोन्ही देशांमधील तणाव आधीच वाढला असताना इराणने या हल्ल्यासाठी इस्रायलला जबाबदार धरले. तसेच या हल्ल्यात त्यांचा एक उच्च लष्करी कमांडर आणि सहा अधिकारी ठार झाल्याचा दावा केला.
गाझा आणि लेबनॉनच्या सीमेवर इस्रायलशी लढा देणाऱ्या अतिरेकी गटांना पाठिंबा देणाऱ्या इराणमधील लष्करी अधिकाऱ्यांना इस्रायलने लक्ष्य केल्याचे सांगण्यात येत आहे. त्याच्या वाणिज्य दूतावासावरील हल्ल्यामुळे इराणचे सर्वोच्च नेते अयातुल्ला अली खमेनी यांनी इस्रायलवर हल्ला “अपरिहार्य” असल्याचे सांगण्यात येत आहे.
गुरुवारी, इस्रायलमधील यूएस दूतावासाने आपले कर्मचारी आणि त्यांच्या कुटुंबातील सदस्यांना तेल अवीव, जेरुसलेम आणि बेर शेवाच्या बाहेर प्रवास करण्यावर अटकाव घालण्यात आला आहे. त्याचबरोबर फ्रेंच परराष्ट्र मंत्रालयानेही फ्रेंच नागरिकांना इराण, लेबनॉन, इस्रायल आणि पॅलेस्टिनी प्रदेशात न जाण्याचा सल्ला दिला आहे.
Travel advisory for Iran and Israel:https://t.co/OuHPVQfyVp pic.twitter.com/eDMRM771dC
— Randhir Jaiswal (@MEAIndia) April 12, 2024
