लोकसभा निवडणूकीच्या ७ व्या अर्थात अखेरच्या टप्प्यातील प्रचारासाठी काँग्रेस नेते राहुल गांधी हे बिहार येथील प्रचार सभेसाठी गेले होते. मात्र स्टेज प्रचारासाठी उभारण्यात आलेला स्टेज दोन वेळा खचल्याची घटना घडली. या घटनेत कोणाला ईजा झाली नाही. मात्र प्रचारसभा तशीच पुढे सुरु ठेवण्यात आली आणि राहुल गांधी यांनी सभेत सभाही घेतली.
सातव्या टप्प्यात पंजाब, बिहार आदीसह काही लोकसभा मतदारसंघात लोकसभेसाठी मतदान पार पडणार आहे. त्यासाठी राहुल गांधी हे बिहारमधील प्रचारासाठी गेले. मात्र स्टेजवर काँग्रेसच्या नेत्यांची मोठ्या प्रमाणावर गर्दी झाली. स्टेजच्या क्षमतेपेक्षा जास्त गर्दी झाली. त्यामुळे उमेदवारांना राहुल गांधी यांनी जवळ बोलावताच पहिल्यांदा स्टेज खाली खचला आणि त्यानंतर पुन्हा एकदा स्टेज खचल्याने काँग्रेस नेत्यांची जरा तारांबळ उडाली. मात्र सुदैवाने कोणाला काही दुखापत झाली नाही की, कोणी स्टेजवरून खाली पडले नाही.
त्यानंतर काँग्रेसची प्रचारसभा थांबविली जाईल अशी अटकळ बांधण्यात येत होती. परंतु राहुल गांधी यांनी सभेत संबोधित केले. या प्रचारसभेचा व्हिडिओही व्हायरल झाला.