काँग्रेस नेते वेणुगोपाल ठाकरे यांना भेटल्यावर म्हणाले, आम्ही उध्दव ठाकरेंच्या सोबत…भेटीचे निमंत्रण संयुक्त पत्रकार परिषदेत दिली चर्चेची माहिती

Related Articles

राज्य मंत्रिमंडळाच्या बैठकीत घेतले हे निर्णय मुख्यमंत्री फडणवीस, दोन्ही उपमुख्यमंत्री आदींसह जवळपास सर्व मंत्री उपस्थित

9 hours ago

महापालिका, नगरपरिषद, नगरपंचायतींना मालमत्तांच्या माध्यमातून उत्पन्नाचे स्त्रोत सुरु करण्यासाठी मुद्रीकरण धोरण राज्य मंत्रिमंडळाच्या बैठकीत निर्णय

9 hours ago

माधुरी मिसाळ यांचे निर्देश, नगरपरिषद व नगरपंचायतीतील सेवाप्रवेश नियमांचा प्रस्ताव तातडीने सादर करा सेवाप्रवेश नियम सुधारण्यास गती, रिक्त पदभरती आणि बदली धोरणावर शासन सकारात्मक

10 hours ago

अखिल भारतीय काँग्रेस कमिटीचे सरचिटणीस के. सी. वेणुगोपाल यांनी आज मातोश्री येथे जाऊन शिवसेना (ठाकरे गट) पक्षप्रमुख उद्धव ठाकरे यांची भेट घेतली. या भेटीनंतर वेणुगोपाल यांनी माध्यमाशी बातचित केली. वेणुगोपाल म्हणाले की, उद्धव ठाकरे हुकूमशाहीविरोधात लढत आहेत आणि या लढाईत काँग्रेस त्यांच्यासोबत आहे. काँग्रेसच्या वरिष्ठ नेत्यांचा हाच निरोप घेऊन मी इथे आलो आहे.

के. सी. वेणुगोपाल म्हणाले की, काँग्रेस अध्यक्ष मल्लिकार्जुन खर्गे, काँग्रेसच्या माजी अध्यक्षा सोनिया गांधी, काँग्रेसचे वरिष्ठ नेते राहुल गांधी यांचा निरोप घेऊन मी इथे आलो आहे. देशातली आणि महाराष्ट्रातली जी राजकीय परिस्थिती आहे. देशात लोकशाहीची पायमल्ली होत असताना आपण पाहतोय. लोकशाहीविरोधी ताकदींशी उद्धव ठाकरे लढत आहेत. देशातले सत्ताधारी लोक सर्वच विरोधकांना लक्ष्य करत आहेत. त्यात शिवसेनेला सर्वाधिक त्रास देण्याचा प्रयत्न सुरू आहे. परंतु या काळत काँग्रेस शिवसेनेसोबत आहे. आम्ही उद्धवजी ठाकरे यांच्यासोबत आहोत.

काँग्रेसचे वरिष्ठ नेते वेणुगोपाल म्हणाले की, विरोधकांची मोट बांधण्यासाठी काँग्रेसचे प्रयत्न सुरू आहेत. तुम्ही पाहिलंच असेल राहुल गांधी नुकतेच बिहारचे मुख्यमंत्री नितीश कुमार आणि उपमुख्यमंत्री तेजस्वी यादव यांना भेटले. त्यानंतर ते दिल्लीचे मुख्यमंत्री अरविंद केजरीवाल यांना भेटले. हुकूमशाहीवाल्या मोदी सरकारविरोधात लढण्यासाठी विरोधकांनी एकत्र येणं गरजेचं आहे. हाच या भेटीमागचा मुख्य उद्देश आहे.

माध्यमांच्या प्रतिनिधींनी वेणुगोपाल यांना प्रश्न विचारला की, काँग्रेस नेते राहुल गांधी मातोश्रीवर येऊन उद्धव ठाकरेंची भेट कधी घेणार? त्यावर वेणुगोपाल म्हणाले की, “मी आणि उद्धवजींनी नुकतीच बातचित केली. मीच उद्धवजींना आत्ता विनंती केली आहे की, उद्धवजींनी दिल्लीत येऊन सोनिया गांधी आणि राहुल गांधी यांची भेट घ्यावी. सोनिया गांधींच्या प्रकृतीबाबत सर्वांना माहितीच आहे. उद्धवजी दिल्लीत येऊन राहुल आणि सोनिया गांधींना भेटल्यानंतर नक्कीच राहुल गांधी देखील मुबईत येऊन उद्धव ठाकरेंना भेटतील.

कॉंग्रेसचे सरचिटणीस, खासदार के. सी. वेणुगोपाळ यांनी आज मातोश्री निवासस्थानी पक्षप्रमुख मा. श्री. उद्धवसाहेब ठाकरे यांची भेट घेतली. यावेळी खासदार संजय राऊत, काँग्रेस नेते बाळासाहेब थोरात, महाराष्ट्र काँग्रेस अध्यक्ष नाना पटोले, मुंबई काँग्रेस अध्यक्ष भाई जगताप, मुंबई काँग्रेस… pic.twitter.com/52Q0Ssbm7P

— ShivSena – शिवसेना Uddhav Balasaheb Thackeray (@ShivSenaUBT_) April 17, 2023