Marathi e-Batmya
Related Articles
आगामी लोकसभा निवडणूकीत भाजपाच्या उधळलेल्या वारूला रोखण्यासाठी आस्ते कदमचा आणि सावध पवित्रा घेत प्रत्युत्तर देण्याचे काम सुरु केले आहे. भाजपाने आतापर्यंत तीन लोकसभा उमेदवारांच्या याद्या प्रसिध्द केल्या. परंतु तिसऱ्या यादीतील अनेक वादग्रस्त उमेदवारांना नारळही दिला तर काही उमेदवारांनी दिलेले उमेदवारीचे तिकिट नाकारत निवडणूकीच्या रणागंणापासून दूर राहणेच पसंत केले. यापार्श्वभूमीवर काँग्रेसने आपली तिसरी यादी जाहिर केली. विशेष म्हणजे काँग्रेसने आपल्या संभावित १७ लोकसभा उमेदवारांपैकी ७ ठिकाणचे उमेदवारांच्या यादीसह ५७ जणांची यादी जाहिर केली.
काँग्रेसने जारी केलेल्या लोकसभा उमेदवारांच्या यादीत कोल्हापूरचे उमेदवार शाहु महाराज, सोलापूरातून विद्यमान आमदार तथा माजी केंद्रीय मंत्री सुशीलकुमार शिंदे यांची कन्या प्रणिती शिंदे, लातूरमधून शिवाजीराव कलगे, पुण्यातून विद्यमान आमदार रविंद्र धंगेकर, नांदेडमधून वसंतराव चव्हाण, अमरावतीतून बळवंत वानखेडे, नंदूरबार मधून माजी मंत्री के.सी पाडवी यांचे यांच्या मुलाला उमेदवारी काँग्रेसकडून जाहिर करण्यात आली आहे.
याशिवाय कर्नाटकातून गुजरात, अरूणाचल प्रदेश, राजस्थान, तेलगंणा, पश्चिम बंगाल आदी राज्यातील उमेदवारांची यादीही जाहिर करण्यात आली.
कांग्रेस अध्यक्ष श्री @kharge की अध्यक्षता में आयोजित 'केंद्रीय चुनाव समिति' की बैठक में लोकसभा चुनाव, 2024 के लिए 57 लोकसभा सीटों पर कांग्रेस उम्मीदवारों के नाम की तीसरी लिस्ट जारी की गई। pic.twitter.com/7TMkx4faZ4
— Congress (@INCIndia) March 21, 2024
