तृणमूल काँग्रेस (टीएमसी) राज्यसभा खासदार जवाहर सरकार यांनी रविवारी कोलकाता रुग्णालयात प्रशिक्षणार्थी डॉक्टरवर झालेल्या बलात्कार आणि हत्येप्रकरणी बंगाल सरकारने प्रकरण बेजाबदार पद्धतीने हाताळल्याच्या निषेधार्थ आपल्या खासदारकीचा राजीनामा दिला. मुख्यमंत्री आणि तृणमूल काँग्रेसच्या प्रमुख ममता बॅनर्जी यांना लिहिलेल्या पत्रात, जवाहर सरकार यांनी त्यांच्या स्वतःच्या पक्षातील “मोजके आणि भ्रष्ट लोकांची अनियंत्रित दबंग वृत्ती” वर बोट ठेवत हा राजीनामा देत असल्याचे सांगितले.
अनेक महिने ममता बॅनर्जी यांच्याशी एकांतात बोलू न शकल्याने त्यांनी निराशा व्यक्त केली. भ्रष्ट अधिकाऱ्यांवर कारवाई होत नसल्याबद्दल आणि पक्षाने या समस्येकडे लक्ष न दिल्याबद्दलही जवाहर सरकार यांनी दु:ख व्यक्त केले.
राज्य सरकार भ्रष्टाचाराबद्दल आणि नेत्यांच्या एका वर्गाच्या वाढत्या सशक्त रणनीतींबद्दल फारसे गंभीर असण्याऐवजी बेफिकीर दिसत असल्याने माझा अधिकाधिक भ्रमनिरास झाला. मी काही गोष्टी स्वीकारू शकत नाही, जसे की भ्रष्ट अधिकारी (किंवा डॉक्टरांना) प्रमुख आणि उच्च पदे मिळणे, यावर जवाहर सरकार यांनी हरकत घेतली.
कोलकात्याच्या आरजी कार मेडिकल कॉलेज हॉस्पिटलमध्ये एका पदव्युत्तर प्रशिक्षणार्थी डॉक्टरच्या क्रूर बलात्कार आणि हत्येमुळे बंगालमध्ये मोठ्या प्रमाणावर निदर्शने झाल्यामुळे खासदार जवाहर सरकार यांनी आपल्या पदाचा राजीनामा देण्यात आला आहे. जवाहर सरकर म्हणाले की, जनतेचा आक्रोश टीएमसी सरकारवरील वाढत्या असंतोषाचे प्रतिबिंबित करतो, त्यामुळे लोकांचा विश्वास गमावल्याचे दिसून येत असल्याचे सांगितले.
जवाहर सरकार पुढे बोलताना म्हणाले, माझ्या कारकिर्दीत, मी सरकारच्या विरोधात इतका संताप आणि संपूर्ण अविश्वास पाहिला नाही, जरी ते काही बरोबर किंवा वस्तुस्थिती सांगते तेव्हाही, असे अप्रत्यक्ष टीकाही यावेळी केली.
या घटनेवर सरकारच्या हाताळलेल्या प्रकरणावर निराशा व्यक्त करताना जवाहर सरकार म्हणाले, आरजी कार हॉस्पिटलमध्ये घडलेल्या भीषण घटनेपासून मी महिनाभर धीराने सहन केले आहे, आणि आंदोलक ज्युनियर डॉक्टरांसोबत तुमच्या थेट हस्तक्षेपाची अपेक्षा करत होतो, ममतांच्या जुन्या शैलीत. परंतु ममता बॅनर्जी यांच्याकडून हे घडले नाही आणि आता सरकार जी काही दंडात्मक पावले उचलत आहे ती खूपच कमी आणि उशीरा उचलली पावले असल्याची टीका केली.
जवाहर सरकार पुढे बोलताना म्हणाले की, काहीजण वेगळे सल्ले देत, त्यांनी पक्षाला संघर्षरहित दृष्टिकोन घेण्याचे आवाहन केले, निदर्शने प्रामुख्याने राजकीय हेतूंऐवजी न्याय आणि शिक्षेच्या इच्छेने चालविली जातात. पक्षाने आपली वाटचाल सुधारली नाही तर जातीय शक्ती हे राज्य काबीज करतील, असा इशाराही यावेळी दिला.
जवाहर सरकार यांनी आपल्या पत्रात राजकारणातून एक पाऊल मागे घेण्याचा आपला इरादा जाहीर केला.
जवाहर सरकार पुढे आपल्या पत्रात म्हणाले की, तुम्ही मला तीन वर्षे बंगालचे प्रश्न संसदेत मांडण्याची जी संधी दिली त्याबद्दल मी पुन्हा कृतज्ञता व्यक्त करतो, पण मी खासदार म्हणून अजिबात राहू इच्छित नाही. केंद्र आणि राज्यांमधील भ्रष्टाचार, जातीयवाद आणि हुकूमशाहीशी लढण्याची माझी वचनबद्धता असल्याचेही यावेळी सांगितले.
ममता बॅनर्जी यांनी आरजी कार हॉस्पीटल प्रकरण ज्या पध्दतीने हाताळले, त्यावरून त्यांच्याच पक्षातून टीकेला सामोरे जावे लागले. टीएमसी नेते संतनु सेन यांना त्यांच्या पक्षाच्या पदावरून काढून टाकण्यात आले, कारण त्यांनी सरकारी रुग्णालयाच्या कामकाजावर टीका केली. ज्येष्ठ नेते सुखेंदू शेखर रे यांनीही डॉक्टरच्या बलात्कार आणि हत्येच्या पोलिस तपासावर प्रश्नचिन्ह उपस्थित केले होते.
I am quitting as MP primarily because of WB government’s faulty handling of the most spontaneous public movement following the terrible rape-murder case at RG Kar Hospital.
Quitting politics— to be with the people in their struggle for justice.
My commitment to values unchanged pic.twitter.com/V98R06ziny— Jawhar Sircar (@jawharsircar) September 8, 2024