Marathi e-Batmya
Related Articles
सध्या विधानसभा निवडणूकीच्या निमित्ताने बेनामी पैशाच्या वाटपावरून सातत्याने विरोधकांकडून सत्ताधाऱ्यांवर आरोप केला जात आहे. यापार्श्वभूमीवर ईडीने आज ठाणे, नवी मुंबई, मालेगाव, नाशिक, सूरत व अहमदाबादमध्ये व्यापारी आणि बनावट कंपन्याशी संबधित २४ ठिकाणी ईडीने आज छापेमारी केली. तसेच याप्रकरणी बँक खाती आणि १२५ कोटी रूपयांचा गैरवापर केल्याचा आरोप आहे.
मालेगांव येथील सिराज अहमद हॅरून मेमनने एकापेक्षा जास्त बँक खाती उघडल्याशी संबधित छापे टाकण्यात आले. मेमननला स्थानिक पोलिसांनी अटक केली. तसेच बेनामी बँक खात्यातून पैसे काढून निवडणूकीसाठी वापर करण्यात आला. यासंदर्भात भाजपाचे किरीट सोमय्या यांनी मालेगांव पोलिसांत तक्रार केली. सिराड मोहम्मदच्या २४ बेनामी खात्यासह मालेगांव नाशिक येथील दोन बँकांमध्ये पोलिस, ईडी, प्राप्तीकर विभाग, आरबीआय, निवडणूक आयोग तपास करीत असल्याचे ट्विट केले.
मालेगावं पोलिसांनी ७ नोव्हेंबर रोजी सिराजच्या विरोधात गुन्हा दाखल केला. या गुन्ह्याच्या आधारे ईडीने कारवाई सुरु केली. सिराज बँक खात्याचा वापर करत असल्याच्या आरोपावरून त्याला पोलिसांनी अटकही केली होती. सिराज बँक खात्यांचा वापर निवडणूकीच्या निधीसाठी करत होता. नाशिक मर्चंट को-ऑफ बँकेत खाती उघडली होती. यामध्ये नागरिकांच्या केवासी कायगदपत्रांचा वापर करून शेतकऱ्यांना पैसे पाठविण्याचा नवा व्यवसाय सुरु करत असल्याचे भासवले.
सिराजने कृषी व्यवसायाशी संबधित बँक खाती उघडण्यासाठी समजावले होते. त्या बदल्यात कृषी उत्पन्न बाजार समितीत काम देण्याचे आश्वासन दिले होते. असे तक्रारदार जयेश मिसाळ यांने पोलिसांना सांगत मिसाळ यांच्या प्रमाणे ११ जणाची खाती बँकेत उघडली होती. या खात्यांमध्ये कोट्यावधी रूपये जमा झाल्याचे आणि ते अन्य खात्यात वळविल्यात येत असल्याचे नंतर मिसाळ आणि अन्य खातेदारांच्या लक्षात आले. त्यामुळे या सर्व खातेदारांना धक्का बसल्याने त्याने पोलिसात तक्रार केली.
तर दुसऱ्याबाजूला ठाणे येथील अंबर दलाल आणि अन्य एका प्रकरणात २२.८६ कोटी रूपयांची चल-अचल संपत्ती ईडीने आज जप्त केली आहे. ठाणे आणि मुंबईतील भूखंड, प्लॅटसहित अंबर दलाल याच्या कुटुंबिय रश्मी प्रसाद यांची संपत्ती गुतंवणूकही जप्त करण्यात आली आहे. अंबर दलाल यांच्या रिटस् कंन्सटन्सी सर्व्हिसेस कडून चालविण्यात येत असलेल्या पोन्झी योजनेच्या माध्यमातून १३०० गुंतवणूकदारांचे ६०० कोटी रूपयांपेक्षा जास्त धनराशी जमा केली. या प्रकरणी अंबर दलाल यांस अटक करण्यात आली.
