शेअर बाजारात सलग तिसऱ्या दिवशी तेजी गुंतवणूकदारांच्या संपत्तीत ३.५ लाख कोटींची वाढ

Related Articles

आरबीआयचा अहवाल म्हणतो, देशातून बाहेर जाणाऱ्या डॉलरचे प्रमाण जास्त येणाऱ्या डॉलर्सपेक्षा ३०.८ अब्ज डॉलर्सने जास्त जाणारी रक्कम

2 days ago

८९ हजार कोटींच्या गुंतवणुकीला चालना मिळणार पाच अतिविशाल प्रकल्पांना विशेष प्रोत्साहन उद्योग विभाग मंत्रिमंडळ उपसमितीच्या बैठकीत मुख्यमंत्री देवेंद्र फडणवीस यांची मंजुरी

5 days ago

मुख्यमंत्री फडणवीस यांची माहिती, पुण्यात १० वर्षात ४०० कोटींची गुंतवणुक आणि एक हजार रोजगार निर्मिती राज्य शासन आणि अग्रेको इंडिया कंपनीसोबत सामंजस्य करार

6 days ago

भारतीय शेअर बाजार सोमवारी ६ नोव्हेंबरला सलग तिसऱ्या दिवशी वाढीसह बंद झाले. सेन्सेक्सने ५९५ अंकांची उसळी घेतली. तर निफ्टी १९,४०० च्या जवळ पोहोचला. त्यामुळे शेअर बाजारातील गुंतवणूकदारांच्या संपत्तीत आज ३.६९ लाख रुपयांची वाढ झाली आहे.

मजबूत जागतिक संकेतांनीही आज बाजाराच्या वाढीला पाठिंबा दिला. मिडकॅप आणि स्मॉलकॅप शेअर्समध्येही जोरदार खरेदी दिसून आली. ग्राहकोपयोगी वस्तू वगळता इतर सर्व क्षेत्रीय निर्देशांक वधारून बंद झाले. व्यवहाराच्या शेवटी सेन्सेक्स ५९४.९१ अंकांच्या वाढीसह ६४,९५८.६९ अंकांवर बंद झाला. तर निफ्टी १८१.१५ अंकांनी वधारून १९,४११.७५ वर स्थिरावला.

बीएसईवर सूचीबद्ध कंपन्यांचे एकूण बाजार भांडवल आज ३ नोव्हेंबर रोजी वाढून ३१८.९१ लाख कोटी रुपयांवर पोहोचले, जे त्याच्या आधीच्या ट्रेडिंग दिवशी म्हणजे गुरुवार, २ नोव्हेंबर रोजी ३१५.२२ लाख कोटी रुपये होते. सूचीबद्ध कंपन्यांचे मार्केट कॅप आज सुमारे ३.६९ लाख कोटी रुपयांनी वाढले आहे. किंवा दुसऱ्या शब्दांत गुंतवणूकदारांच्या संपत्तीत सुमारे ३.६९ लाख कोटी रुपयांची वाढ झाली आहे.

सेन्सेक्समधील ३० पैकी २६ शेअर्स आज वाढीसह बंद झाले. यामध्येही लार्सन अँड टुब्रो (एल अँड टी) च्या शेअर्समध्ये सर्वाधिक २.१६ टक्के वाढ झाली आहे. तर अॅक्सिस बँक, टाटा स्टील, बजाज फायनान्स आणि पॉवर ग्रिडचे शेअर्स सुमारे १.८४ टक्के ते २.१४ टक्के वाढीसह बंद झाले.

सेन्सेक्सचे फक्त ४ शेअर्स घसरणीसह बंद झाले. यामध्येही स्टेट बँक ऑफ इंडियाचे शेअर्स सर्वाधिक ०.७२ टक्के घसरले. याशिवाय हिंदुस्तान युनिलिव्हर, टाटा मोटर्स आणि टायटनचे शेअर्स घसरून बंद झाले.