Marathi e-Batmya
Related Articles
काही दिवसांपूर्वी देशातील महत्वपूर्ण असलेल्या चंद्रयान-३ मोहिमेच्या यशस्वी चाचणीनंतर इस्त्रोचे अभिनंदन करण्याच्या प्रस्तावावरील चर्चेवेळी भाजपाचे दक्षिण दिल्लीचे खासदार रमेश बुधारी यांनी भर संसदेतच बसपाचे मुस्लिम खासदार दानिश अली यांना लक्ष्य करत हेट स्पिचचा वापर करत अशलाघ्य भाषेचा वापर केला.
सध्या देशात राजकिय निवडणूकांचे वातावरण चांगलेच तापलेले आहे. मात्र भर लोकसभेत मुस्लिम खासदाराच्या विरोधात अशा स्वरूपाची भाषा वापरल्याचा व्हिडीओ विरोधकांकडून चांगलाच व्हायरल केला. त्यामुळे अखेर याप्रकऱणी उशीराने का होईना भाजपाचे राष्ट्रीय अध्यक्ष जे पी नड्डा यांनी कारणे दाखविली असल्याची माहिती पुढे येत आहे.
वास्तविक पाहता भाजपा खासदार रमेश बुधारी यांनी बसपाचे खासदार दानिश अली यांचे नाव घेत मौलाना देशद्रोही, आंतकवादी, भडवा, कटवा सारख्या निंदनीय शब्दांचा वापर करत एकप्रकारे लोकशाहीच्या मंदिरात द्वेषमुलक असलेले भाषण केले. त्यामुळे विरोधकांकडून टीकेची झोड उठविण्यात येत आहे.
हेही वाचाः भाजपा खासदाराची मुक्ताफळे, लोकसभेतच बसपाच्या मुस्लिम खासदाराविरोधात निंदनीय वक्तव्ये
यापार्श्वभूमीवर एका वृत्त संस्थने खासदार रमेश बुधारी यांच्यावर कारवाईचा बडगा उगारत भाजपाचे राष्ट्रीय अध्यक्ष जे पी नड्डा यांनी कारणे दाखवा नोटीस बजाविण्याचा निर्णय घेतल्याचे सांगण्यात येत आहे. मात्र भाजपाकडून कोणत्याही स्वरूपाची अधिकृत कारवाईची माहिती देण्यात आली नाही.
This is what state sanction of hate against Muslims in India looks like. A member of Parliament from the BJP referring to a Muslim member of Parliament as a ‘terrorist’, ‘circumcised’, ‘pimp’ on the floor of the house. His colleague sitting behind laughs. Speaker unaffected pic.twitter.com/rOpvMI6ZiY
— Rana Ayyub (@RanaAyyub) September 22, 2023
