शिक्षकांच्या वैद्यकीय खर्चाच्या प्रतिपूर्तीसाठी शिक्षण विभागाने ही अट काढून टाकली रेशनकार्डची अट नसल्याबाबत शिक्षण विभागाचा खुलासा - शिक्षक भारतीचा यशस्वी पाठपुरावा

Related Articles

डॉ अशोक उईके यांची माहिती, आंदोलनकर्त्या युवक-युवतींशी दोन दिवस सकारात्मक चर्चा वसतिगृह प्रवेशाबाबत आदिवासी विद्यार्थ्यांच्या हिताचा निर्णय

46 minutes ago

महाराष्ट्र गट-ब संयुक्त मुख्य परीक्षा-२०२५ : नियुक्ती एका संवर्गातच एकापेक्षा अधिक गुणवत्ता यादीत नाव आले तरी नियुक्ती एका संवर्गातच

1 hour ago

अभिजीत दीपके यांचा आरोप, आजही काही शाळांमध्ये विद्यार्थ्यांना जनावरांपेक्षा वाईट सुविधा जिल्हा परिषदेच्या शाळांमध्ये पुरेशा सुविधा नाहीत, तरीही विद्यार्थ्यांना शिक्षण घेण्यासाठी पाठवले जातेय

1 day ago

मुंबई : प्रतिनिधी

वैद्यकीय खर्चाच्या प्रतिपूर्तीसाठी सुरुवातीला शिक्षण विभागाने रेशन कार्ड असण्याची अट शिक्षकांना बंधनकारक केले. मात्र याप्रश्नी शिक्षक भारती संघटनेने पाठपुरावा सातत्याने करून रेशनकार्डची अट काढून टाकण्यास राज्य सरकारला बाध्य केले. त्यानुसार अखेर शालेय शिक्षण मंत्री वर्षा गायकवाड यांनी सदरची अट काढून टाकण्याचे आदेश दिल्याने अखेर शिक्षकांना वैद्यकीय प्रतिपुर्ती मिळण्याचा मार्ग मोकळा झाला.

मंत्री वर्षा गायकवाड यांच्या आदेशानुसार शिक्षण विभागाच्या अप्पर मुख्य सचिव वंदना कृष्णा यांनी यासंदर्भात शिक्षण विभागाकडून एक पत्रक काढून प्रतिपुर्तीच्या कागदपत्रांमधील रेशन कार्डाची अट काढून टाकण्यात आल्याचे स्पष्ट केले. याबाबत आमदार कपिल पाटील यांनी शिक्षणमंत्री वर्षाताई गायकवाड यांना पत्र दिलं होतं. अनेक शिक्षक, शिक्षकेतर कर्मचारी यांची वैद्यकीय खर्चाच्या प्रतिपूर्तीची बिलं नाकारली जात होती. रेशनकार्डात नाव असल्याची अट टाकली जात असल्याची माहिती शिक्षक भारतीचे कार्याध्यक्ष सुभाष मोरे यांनी दिली.

वैद्यकीय खर्चाच्या प्रतिपूर्तीसाठी रेशनकार्डची अट नाही  याबाबत शिक्षण विभागाने शिक्षण आयुक्त, सर्व विभागीय उपसंचालक आणि सर्व प्राथमिक / माध्यमिक शिक्षणाधिकारी यांनाही कार्यवाहीचे आदेश दिले आहेत. या निर्णयामुळे  शिक्षक, शिक्षकेतर कर्मचारी  यांना मोठा दिलासा मिळाला आहे.