Marathi e-Batmya
Related Articles
एसआयआर मोहिमेंतर्गत महाराष्ट्रातील प्रारूप मतदार यादी प्रसिद्ध करण्यात आली आहे. या यादीमध्ये संशयास्पद (Anomalis) व Unmapped मतदारांची नावे सुद्धा आहेत; परंतु कोणत्याही प्रकारची खूण त्या नावांवर मारलेली नाही. त्यामुळे मतदारांमध्ये संभ्रम निर्माण होईल,याच मतदारांना नोटीस देऊन सुनावणीसाठी बोलावण्यात येणार आहे. ज्या मतदारांना नोटीस देण्यात येणार आहे, अशा मतदारांची बूथनिहाय यादी तातडीने प्रसिद्ध करावी व ती राजकीय पक्षांना उपलब्ध करून द्यावी, अशी मागणी महाराष्ट्र प्रदेश काँग्रेस कमिटीने केली आहे.
महाराष्ट्रात जसे १ कोटी ५२ लाख मतदार सापडले नाहीत अथवा कायमचे स्थलांतरित दाखविण्यात आले, तशीच पद्धत बीएलओ वापरतील आणि अजून कोट्यवधी मतदारांना मतदार यादीतून वगळण्यात येईल, अशी भीती काँग्रेसने व्यक्त केली आहे. अजूनही विधानसभा मतदारसंघनिहाय नोटीस व सुनावणीची कार्यपद्धतीची माहिती बीएलओंना देण्यात आलेली नाही. त्यामुळे ज्या मतदारांना नोटीस देण्यात येणार आहे, त्या मतदारांची यादी तातडीने जाहीर करावी, अशी मागणी महाराष्ट्र प्रदेश काँग्रेस कमिटीचे सरचिटणीस अॅड. संदेश कोंडविलकर यांनी मुख्य निवडणूक अधिकारी, महाराष्ट्र राज्य यांच्याकडे केली आहे.
