Marathi e-Batmya
Related Articles
सोलापूर: प्रतिनिधी
राज्यात कोरोनाचा प्रादुर्भाव वाढत असतानाच सोलापूरातील कोरोना रूग्णांच्या संख्येतही वाढ होताना दिसत आहे. आज ५८ जणाची तपासणी करण्यात आली होती. यापैकी ३ जणांचे अहवाल पॉजिटीव्ह आले असल्याने एकूण रूग्णांची संख्या ६८ वर पोहोचली आहे. तर एका रूग्णाचा मृत्यू झाला असून एकूण मृतकांची संख्या ६ वर पोहोचल्याची माहिती जिल्हाधिकारी मिलिंद शंभरकर यांनी दिली.
याशिवाय आणखी ३३६ जणांचे कोरोना चाचणीचे अहवाल बाकी असल्याची माहिती त्यांनी दिली. निदान झालेले रूग्ण हे सिध्देश्वर पेठ, रेल्वे स्टेशन, बापूजी नगर येथील असून त्यांना सारी या आजाराचे निदान झाले आहे.
सद्यपरिस्थितीत ३ हजार ८३२ जण होम क्वारंटाईनमध्ये असून १८५९ जणांचा १४ दिवसांचा कालावधी पूर्ण केलेला आहे. तर संस्थात्मक विलगीकरणात १८३७ जण असून १४ दिवसांचा कालावधी पूर्ण केलेले ९६७ जण असल्याचेही त्यांनी सांगितले.
