Marathi e-Batmya
Related Articles
कर्नल सोफिया कुरेशी यांच्याबाबत वादग्रस्त वक्तव्य केल्याप्रकरणी सर्वोच्च न्यायालयाने मध्य प्रदेशातील भाजपाचे मंत्री विजय शाह यांच्या विरोधात गुन्हा दाखल करण्याचे आदेश देत वक्तव्याची चौकशी करण्यासाठी एसआयटीची स्थापना केली. त्यावेळी भाजपाचे मंत्री विजय शाह यांनी सर्वोच्च न्यायालयाची माफी मागितली. परंतु सर्वोच्च न्यायालयाने शाह यांच्या माफीनाम्याला नकार दिला. त्यानंतर, मध्य प्रदेशचे मंत्री विजय शाह यांनी शुक्रवारी (२३ मे, २०२५) आणखी एक जाहिर माफी मागत कर्नल सोफिया कुरेशी यांच्यावरील वक्तव्य हे “भाषिक चूक” असल्याचे दावा केला.
मध्य प्रदेश भाजपाचे मंत्री विजय शाह म्हणाले की, “पहलगाममध्ये झालेल्या भयानक हत्याकांडामुळे मला खूप दुःख झाले आणि मी अस्वस्थ झालो. माझ्या राष्ट्राबद्दल आणि भारतीय सैन्याबद्दल मला नेहमीच अपार प्रेम आणि आदर आहे. मी जे शब्द बोललो त्यामुळे समुदाय, धर्म आणि देशवासीय दुखावले गेले आहेत, ती माझी भाषिक चूक होती,” असे एक्सवरील व्हिडिओ स्टेटमेंटमध्ये म्हटले आहे.
तसेच पुढे बोलताना मंत्री विजय शाह म्हणाले की, “माझा हेतू कोणत्याही धर्म, जाती किंवा समुदायाला दुखावण्याचा किंवा अपमान करण्याचा नव्हता. मी अनवधानाने बोललेल्या शब्दांबद्दल मी संपूर्ण भारतीय सैन्य, सिस्टर कर्नल सोफिया आणि सर्व देशवासीयांची मनापासून माफी मागतो आणि पुन्हा एकदा हात जोडून माफी मागतो,” असेही पुन्हा यावेळी म्हणाले.
मैं विजय शाह, हाल ही में मेरे दिए गए बयान से, जो हर समाज की भावनाएँ आहत हुई हैं, उसके लिए मैं दिल से न केवल शर्मिंदा हूँ, दुखी हूँ, बल्कि माफ़ी चाहता हूँ।
हमारे देश की बहन सोफिया कुरैशी जी ने राष्ट्र धर्म निभाते हुए जाति और समाज से ऊपर उठकर, उन्होंने काम किया है। pic.twitter.com/0qhO895ahl
— Dr. Kunwar Vijay Shah (@KrVijayShah) May 14, 2025
यापूर्वी २० मे रोजी मध्य प्रदेश उच्च न्यायालयाच्या आदेशानुसार विजय शाह यांच्याविरुद्ध दाखल केलेल्या एफआयआरची चौकशी करण्यासाठी सर्वोच्च न्यायालयाच्या निर्देशांनुसार तीन सदस्यीय एसआयटीची स्थापना करण्यात आली होती.
एसआयटी २८ मे रोजी होणाऱ्या पुढील सुनावणीदरम्यान सर्वोच्च न्यायालयात आपला अहवाल सादर करेल अशी अपेक्षा आहे.
जयहिन्द,
पिछले दिनों पहलगाम में हुए जघन्य हत्याकांड से मैं मन से बहुत दुखी एवं विचलित हूँ, मेरा राष्ट्र के प्रति अपार प्रेम और भारतीय सेना के प्रति आदर एवं सम्मान हमेशा रहा है।
मेरे द्वारा कहे गये शब्दो से समुदाय, धर्म, देशवासियो को दुख पहुँचा है, यह मेरी भाषाई भूल थी, pic.twitter.com/3dU0Jt4QF6
— Dr. Kunwar Vijay Shah (@KrVijayShah) May 23, 2025
