Marathi e-Batmya
Related Articles
मुंबई : प्रतिनिधी
‘सनातन’च्या हिटलिस्टवर असलेले राष्ट्रवादी काँग्रेसचे माजी मंत्री आमदार जितेंद्र आव्हाड यांच्यासह आणखी दोघांना ‘वाय प्लस’ दर्जाची सुरक्षा दयावी अशी मागणी मुख्यमंत्र्यांकडे केल्याची माहिती विधीमंडळ पक्षनेते अजित पवार यांनी मिडियाशी बोलताना दिली.
आज राष्ट्रवादी काँग्रेस पक्षाच्या शिष्टमंडळाने मुख्यमंत्र्यांची भेट घेतली. यावेळी प्रदेशाध्यक्ष आमदार जयंत पाटील, विधीमंडळ पक्षनेते अजितदादा पवार, ज्येष्ठ नेते आमदार छगन भुजबळ हे उपस्थित होते.
या भेटीमध्ये राष्ट्रवादीच्या शिष्टमंडळाने आमदार जितेंद्र आव्हाड यांच्यासह अंनिसचे पदाधिकारी श्याम मानव व मुक्ता दाभोळकर यांनाही ‘वाय प्लस’ या दर्जाची सुरक्षा पुरवावी अशी मागणी मुख्यमंत्र्यांकडे केली. त्यावेळी मुख्यमंत्री देवेंद्र फडणवीसांनी नक्कीच यावर विचार करुन निर्णय घेणार असल्याचे सांगितले अशी माहितीही अजितदादा पवार यांनी मिडियाला दिली.
