भीमा कोरेगांवप्रकरणाच्या निषेधार्थ राष्ट्रवादीचे मंत्रालयात आंदोलन १८ आंदोलनकर्त्यांना पोलिसांकडून अटक

Related Articles

रामदास आठवले यांची मागणी, जातनिहाय जनगणना होईपर्यंत अनुसुचित जातींचे उपवर्गीकरण करु नये सर्वोच्च न्यायालयाची मात्र राज्यांना निर्णय घेण्याची मोकळीक

4 hours ago

चंद्रशेखर बावनकुळे यांची घोषणा, देवस्थान इनाम जमीन प्रारूपाला ‘स्थगिती’ • सुधारित प्रारूपासाठी खारगे समिती स्थापन • १५ ऑगस्टपर्यंत समिती प्रारूप सादर करणार ,• १५ सप्टेंबरपर्यंत नागरिकांना घेता येणार हरकती

5 hours ago

प्रताप सरनाईक यांचा इशारा, एसटी बसस्थानकांच्या २०० मीटर परिसरात अवैध प्रवासी वाहतुकीविरोधात विशेष मोहीम नियमभंग करणाऱ्यांवर कठोर कारवाई होणार

5 hours ago

मुंबईः प्रतिनिधी

पुणे जिल्ह्यातील भीमा कोरेगांवसह चार गांवामध्ये झालेल्या दगडफेकीच्या निषेधार्थ राष्ट्रवादी युवक कॉंग्रेसच्या कार्यकर्त्यांनी मंत्रालयातील सहाव्या मजल्यावरील मुख्यमंत्री देवेंद्र फडणवीस यांच्या कार्यालयासमोर घोषणाबाजी करत आंदोलन केले. त्यामुळे मंत्रालयाचा संपूर्ण परिसर दणाणून गेल्याने पोलिसांची चांगलीच धावपळ उडाली.

संध्याकाळच्या सुमारास राष्ट्रवादी युवक कॉंग्रेसचे साधारणतः १८ कार्यकर्त्ये मंत्रालयात आले. त्यानंतर त्यांनी थेट सहावा मजला गाठत मुख्यमंत्र्याच्या कार्यालयासमोर मुख्यमंत्री देवेंद्र फडणवीस मुर्दाबाद, भाजप सरकार मुर्दाबाद, चलेजाव चलेजाव भाजप सरकार चलेजाव आणि डॉ.बाबासाहेब आंबेडकर यांच्या घोषणा देण्यास सुरुवात केली.

त्यामुळे मंत्रालयातील पोलिसांची एकच धावपळ उडाली. या घोषणेच्या आवाजाने संपूर्ण मंत्रालयाचा परिसर दणाणून गेल्याने आपआपल्या दालनात काम करत असलेले सर्व शासकिय कर्मचारी मजल्याच्या व्हरांड्यात येवून पाहू लागले. दरम्यान मुख्यमंत्री आपल्या दालनात नसल्याने पोलिसांची फारशी वर्दळ सहाव्या मजल्यावर नव्हती. मात्र आंदोलनकर्त्यांच्या या घोषणाबाजीमुळे मंत्रालयात बंदोबस्तावर असलेल्या पोलिसांची चांगलीच धावपळ उडाली.

अखेर पोलिसांनी सर्व आंदोलनकर्त्यांना ताब्यात घेत मरिन लाईन्स पोलिस ठाण्यात नेले.