घड्याळ चिन्हावरून शरद पवार आणि अजित पवार गटात जुंपली

Related Articles

प्रकाश आंबेडकर यांची टीका, दिल्लीतील आरक्षणविरोधी आंदोलन उच्च जातींचे वर्चस्व टिकवण्याचा प्रयत्न काँग्रेस नेतृत्वाचे मौन तितकेच निंदनीय आणि यामध्ये सामील असल्याचा संकेत

7 hours ago

मुख्यमंत्री फडणवीस यांच्या उपस्थितीत ढोल ताशाला जागतिक नामांकन इंडिया बुक ऑफ वर्ल्ड रेकॉर्ड्स व एशिया बुक ऑफ वर्ल्ड रेकॉर्ड मध्ये नोंद

7 hours ago

काँग्रेसच्या जिल्हाध्यक्षांसाठी नाशिकमध्ये १० दिवसांचे निवासी प्रशिक्षण; राहुल गांधी मार्गदर्शन करणार ! सोमवार, २४ ऑगस्ट ते २ सप्टेंबरदरम्यान शिबिर; प्रदेशाध्यक्ष हर्षवर्धन सपकाळ यांच्यासह राष्ट्रीय व राज्यातील वरिष्ठ नेत्यांची उपस्थिती

8 hours ago

लक्षद्विपचे विद्यमान खासदार फैजल यांना शरद पवार गटाने उमेदवारी दिली. तसेच मागील निवडणूकीतही फैजल यांनी घड्याळ चिन्हावर निवडणूक लढवित विजय मिळविला होता. परंतु सर्वोच्च न्यायालयाने महाराष्ट्रात घड्याळ चिन्हाबाबत निर्णय दिला आहे. त्यामुळे फैजल यांच्याशिवाय घड्याळ चिन्ह दुसऱ्यांना मिळणार नाही अशी माहिती जयंत पाटील यांना त्यांच्या पक्ष कार्यालयात नुकत्याच आयोजित पत्रकार परिषदेत दिली होती.

त्या पार्श्वभूमीवर राष्ट्रवादी काँग्रेसच्या अजित पवार गटाने जयंत पाटील यांनी केलेल्या वक्तव्याला प्रत्युत्तर देत लक्षद्वीप येथे लोकसभेसाठी आमच्या उमेदवारांना ‘घड्याळ’ हेच चिन्ह मिळणार आहे त्यामुळे कुणीही चुकीच्या माहितीवर आधारीत गैरसमज पसरवू नये अशी विनंती अजित पवार गटाचे प्रवक्ते आणि ठाणे जिल्हाध्यक्ष आनंद परांजपे यांनी माध्यमांशी बोलताना दिली.

राज्याबाहेर त्यांना 'घड्याळ' मिळालं नाही !#JayantPatil #Maharashtra #Lakshadweep pic.twitter.com/kX62usrOHc

— Nationalist Congress Party – Sharadchandra Pawar (@NCPspeaks) March 28, 2024

आनंद परांजपे म्हणाले की, टप्प्यात आल्यावर करेक्ट कार्यक्रम करायचा असतो असे शरदचंद्र पवार गटाचे ज्येष्ठ नेते बोलतात. पण खोडसाळपणे चुकीच्या माहितीवर कार्यक्रम करायला गेल्यावर ‘इनकरेक्ट’ कार्यक्रमच होतो हे ज्येष्ठ नेत्यांनी लक्षात ठेवावे असा टोलाही जयंत पाटील यांचे नाव न घेता लगावला.

राष्ट्रवादी काँग्रेस हा महाराष्ट्र आणि नागालॅंडमध्ये मान्यताप्राप्त राज्यस्तरीय पक्ष असून पक्षाकडून केंद्रीय निवडणूक आयोगाकडे अर्ज केला होता. अरुणाचल प्रदेश येथे होणाऱ्या विधानसभेच्या सर्व जागांवर राष्ट्रवादी काँग्रेस पक्षाच्या सर्व उमेदवारांना घड्याळ हे चिन्ह मिळणार आहे. त्याचप्रमाणे लक्षद्वीप येथे होणार्‍या लोकसभेच्या निवडणूकीत उमेदवारांना ‘घड्याळ’ हेच चिन्ह मिळणार आहे. तशाप्रकारची अधिसूचना २३ मार्च रोजी अरुणाचल प्रदेशबद्दल निवडणूक आयोगाने काढली आहे आणि लक्षद्वीपबद्दल २४ मार्च रोजी अधिसूचना काढण्यात आली हेही आनंद परांजपे यांनी सांगितले.

शेवटी बोलताना आनंद परांजपे म्हणाले की, राष्ट्रवादी काँग्रेसच्या उमेदवारांना विधानसभा निवडणुकीत अरुणाचल प्रदेशमध्ये आणि लक्षद्वीपमध्ये लोकसभा निवडणुकीत घड्याळ हेच चिन्ह मिळणार आहे. त्यामुळे कुठल्याही प्रकारचा गैरसमज माध्यमांनीही पसरवू नये असे आवाहनही यावेळी केले.

भारत निवडणूक आयोग सचिवालयाने दि. २३ मार्च २०२४ रोजी राष्ट्रवादी काँग्रेस पार्टीला अरुणाचल प्रदेश येथील विधानसभा निवडणुकीतील पक्षाच्या उमेदवारांना घड्याळ हे चिन्ह वापरण्याची तसेच दि. २४ मार्च २०२४ रोजी राष्ट्रवादी काँग्रेस पार्टीला केंद्रशासित प्रदेश लक्षद्वीप येथील लोकसभा… pic.twitter.com/EEQt4B0tUx

— MahaNCPspeaks (@mahancpspeaks) March 29, 2024