Marathi e-Batmya
Related Articles
नुकत्याच जाहीर झालेल्या विधानसभेच्या निवडणुकीसाठी रिपाई अर्थात रिपब्लिकन पार्टी ऑफ इंडिया (डेमोक्रॅटीक) पक्षाच्या वतीने २८८ विधानसभा मतदारसंघापैकी मुंबई, विदर्भासह मराठवाडयातील दहा जागा लढवणार असल्याची घोषणा पक्षाच्या राष्ट्रीय अध्यक्षा नंदाताई टी. कांबळे यांच्या आदेशानुसार पक्षाच्या युवक आघाडीचे राष्ट्रीय अध्यक्ष कनिष्क टी. कांबळे यांनी जाहिर केले आहे.
पक्षाची मुंबई, विदर्भ व मराठवाडयात मोठी ताकद असून मुंबईतील १७८- धारावी, विधानसभा मतदारसंघ विदर्भातील २४ सिंदखेड राजा, ५१ उमरेड, तर मराठवाडयातील १०८ – औरंगाबाद पश्चिम, १०९ – औरंगाबाद पूर्व, १०२- बदनापूर, ९० देगलूर, ९१ – मुखेड, २३४ – लातूर ग्रामीण, २३७ – उदगीर या विधानसभा मतदारसंघात पक्षाच्यावतीने स्वबळावर निवडणूक लढविण्यात येणार आहे. या संबधी लवकरच उमेदवारांची यादी पक्षाच्या प्रदेश कमिटीच्यावतीने जाहीर करण्यात येईल अशी माहिती कांबळे यांनी प्रसिद्धीस दिलेल्या पत्रकात दिली आहे.
