Marathi e-Batmya
Related Articles
तामीळ चित्रपट अभिनेता विजय थलपती यांना आज अधिकृतरित्या राजकारणात प्रवेश केला असून तमिलागा वेत्री कळघम पक्षाची स्थापना करत या पक्षाच्यावतीने आयोजित जोरदार रॅलीही आज घेतली. अभिनेता विजय थलपती याने या रॅलीत केलेल्या पहिल्याच राजकीय भाषणात तामीळनाडूमधील सत्ताधारी पक्ष असलेल्या डिएमके पक्षावर टीकास्त्र सोडले.
यावेळी बोलताना अभिनेता विजय थलपतीने द्रविड मॉडेलच्या नावाने फसवणूक असे वर्णन केले. जवळपास तीन लाखाहून अधिक लोकांना संबोधित करताना त्यांनी पुढे आरोप केला की “एक कुटुंब” “भूमिगत व्यवहार” करून राज्याची लूट करत आहे. रॅलीच्या आधी, तामिळनाडूचे उपमुख्यमंत्री उदयनिधी स्टॅलिन यांनी त्यांचा “प्रिय मित्र” विजयला त्याच्या भविष्यातील वाटचालीसाठी शुभेच्छा दिल्या,
तामिळनाडूच्या लोकांवर विश्वास सोपवून विजय थलपती म्हणाले की, ते राज्यातील २०२६ च्या विधानसभा निवडणुकीत तमिलगा वेत्री कळघमला सर्वात मोठा पक्ष बनवण्यासाठी मतदान करतील. त्यानंतर जर पक्षांना त्यांच्या पक्षासोबत युती करायची असेल तर टीव्हीके त्यांना सरकारमध्ये वाटा देईल. विजयने नीट NEET परीक्षार्थी आणि अरियालूरची विद्यार्थिनी अनिता हिच्या आत्महत्येचे स्मरण केले, तर त्यांच्या राजकीय कारकिर्दीत महिला महत्त्वाची भूमिका बजावतील असेही यावेळी सांगितले.
टीव्हीके TVK च्या विचारसरणीबद्दल बोलताना विजय थलपती म्हणाले की, ते “द्रविड राष्ट्रवाद आणि तमिळ राष्ट्रवाद वेगळे” करणार नाहीत. “ते या मातीचे दोन डोळे आहेत. आपण स्वतःला कोणत्याही विशिष्ट ओळखीशी संकुचित करू नये,” TVK ची विचारधारा धर्मनिरपेक्ष सामाजिक न्याय विचारधारेवर आधारित आहे आणि पक्ष त्यावर आधारित कार्य करेल. विजयच्या राजकीय संदेशात सर्वसमावेशकता आणि तमिळ अभिमानावर स्पष्ट लक्ष आहे. TVK चे प्रक्षेपण गीत, “तमिझन कोडी पराकुथु… थलायवन युगम पोराकुथु (तमिळ ध्वज उंच उडतो… एका नेत्याचा युग सुरू झाला आहे),” हे राज्याच्या सिनेमॅटिक-राजकीय नॉस्टॅल्जियाला प्रतिध्वनित करण्याचा जाणीवपूर्वक केलेला प्रयत्न आहे.
तमिळ सुपरस्टार विजयने TVK च्या पहिल्या राजकीय रॅलीला संबोधित करताना सांगितले की, राजकारणात येण्यासाठी त्याने एक अभिनेता म्हणून आपली कारकीर्द आणि आपली कमाई सोडली आहे. ‘… मी इथे तुमचा विजय म्हणून आलो आहे, तुमच्या सर्वांवर विश्वास ठेवला आहे,’ असेही यावेळी सांगितले.
रविवारी तमिलागा वेत्री कळघमच्या पहिल्या राज्य परिषदेत बोलताना,विजय थलपती म्हणाले की, राजकारण हे सिने क्षेत्र नसून रणांगण आहे, “गांभीर्याने आणि थोडेसे हसून” राजकारण केले तरच या क्षेत्रात उदरनिर्वाह शक्य आहे. “आम्हाला जमिनीवर सावधगिरी बाळगावी लागेल, असा इशाराही यावेळी मतदारांना केले.
तमिळगा वेत्री कळघम या त्यांच्या पक्षाच्या पहिल्या राज्य परिषदेला सुरुवात होताच, अभिनेता विजयने सर्व स्वातंत्र्यसैनिक आणि भाषा शहीदांना पुष्पांजली अर्पण केली आणि TVK चा झेंडा फडकवला.
यापूर्वी कमला हसन या तामीळ अभिनेत्याने स्वतंत्र पक्षाची स्थापना केली. तसेच एक दोन निवडणूकाही लढविल्या. मात्र तामीळ अभिनेता कमला हसन यांना फारसं यश मिळाले नाही. मात्र तेलगू फिल्म इंड्ट्रीतील चिरंजीवी आणि त्यांचे भाचे पवन कल्याण यांनी स्थापन केलेल्या राजकीय पक्षाला पहिल्या निवडणूकीत चांगले यश मिळाले आहे. अभिनेता चिरंजीवी यांचा पक्ष कालांतराने काँग्रेसमध्ये विलीन करण्यात आला. तर पवन कल्याण यांच्या पक्ष सध्या आंध्र प्रदेशात मुख्यमंत्री चंद्राबाबू नायडू आणि भाजपासोबत सत्तेत सहभागी आहे.
