Marathi e-Batmya
Related Articles
नवी दिल्लीः प्रतिनिधी
विमान कंपनी एअर एशियाने प्रवाशांसाठी एक खुषखबर आणली आहे. कंपनीने खास ऑफर प्रवाशांना दिली असून एअर एशियाने प्रवास करू इच्छीणाऱ्या प्रवाशांसाठी आता फक्त ९९ रुपयांमध्ये देशातंर्गत विमान प्रवास करता येणार आहे. ही ऑफर १५ जानेवारी ते ३१ जुलै दरम्यान तिकीटे बुक करणाऱ्यांसाठी असल्याचे एअर एशियाच्या व्यवस्थापनाने सांगितले आहे.
विशेषतः बंगळुरु, हैदराबाद, कोची, कोलकाता, नवी दिल्ली, पुणे आणि रांची या सात ठिकाणी ९९ रुपयांमध्ये प्रवास करता येणार आहे. याशिवाय एअर एशियाच्या विमानाने भारतातून निवडक १० देशांमध्ये प्रवास करायचा असल्यास त्यावरही सूट मिळणार आहे. ऑकलंड, बाली, बँकॉक, क्वालालंपूर, मेलबर्न, सिंगापूर आणि सिडनी या देशांमध्ये फक्त १ हजार ४९९ रुपयांच्या मूळ तिकीट दरात प्रवाशांना प्रवास करता येणार आहे.
