Marathi e-Batmya
Related Articles
मुंबई: विशेष प्रतिनिधी
राज्य सरकारच्या सेवेतील आयएएस अधिकारी, आयपीएस अधिकारी, राजपत्रित अ-ब वर्गातील अधिकाऱ्यांचा दोन दिवसाचे वेतन तर क व ड वर्गातील कर्मचाऱ्यांचे एक दिवसाचे वेतन कोविड विरोधी लढ्यासाठी वेतनातून कपात करण्याचा निर्णय राज्य सरकारने घेतला आहे. मात्र या वेतन कपातीस कोणाची हरकत असेल तर त्यांनी तातडीने तसेच संबधित विभागाच्या प्रमुखास कळवावे अशी सूचनाही राज्य सरकारने केली. हा सर्व निधी मुख्यमंत्री सहायता निधीत जमा होणार आहे.
या अधिकाऱ्यांबरोबरच सर्व मंत्रालयीन विभागातील आणि त्यांच्या अधिपत्याखालील सर्व शासकिय -निमशासकिय कार्यालये, जिल्हा परिषदा, पंचायत समिती, महानगरपालिका, नगरपालिका, नगर परिषद, सार्वजनिक उपक्रम, महामंडळे, मंडळे, सर्व स्वायत्त संस्थेचे प्रमुख, कार्यालयय प्रमुखांचे दोन दिवसाचे वेतन कपात करण्यात येणार आहे. तसेच हे दोन दिवसाचे वेतन मे महिन्यातील राहणार असल्याने प्रत्येक कार्यालयाने दोन दिवसाचे वेतन कपात करूनच तशी वेतन बिले तयार करावीत असे आदेशही सर्वांना बजाविण्यात आले.
