Marathi e-Batmya
Related Articles
‘कॉकरोच जनता पार्टी’ (CJP) चे नेते अभिजीत दीपके यांनी गुरुवारी पंतप्रधान नरेंद्र मोदी यांच्यावर मुख्य निवडणूक आयुक्त ज्ञानेश कुमार यांना वाचवण्यासाठी सरकारी संसाधनांचा वापर केला. तसेच निवडणूक आयोगाच्या प्रमुखांच्या राजीनाम्याची मागणी करणाऱ्या आंदोलकांना आणि विरोधी पक्षांच्या नेत्यांना लक्ष्य केले जात असल्याचा आरोप केला.
नेहा बोरा आणि अभिनेते प्रकाश राज, सर्वोच्च न्यायालयाचे वकील प्रशांत भूषण यांच्यासोबत घेतलेल्या पत्रकार परिषदेत बोलताना अभिजीत दीपके यांनी आंदोलक आणि विरोधी नेत्यांच्या अटकेवर प्रश्नचिन्ह उपस्थित केले. तसेच अभिजीत दीपके यांनी आरोप केला की, सरकार आपली यंत्रणा ज्ञानेश कुमार यांच्या संरक्षणासाठी वापरत आहे. सीजेपी CJP चे नेते सौरभ दास आणि आशुतोष रांका यांना न्यायालयीन कोठडी सुनावून तिहार जेलमध्ये पाठवल्यानंतर दुसऱ्याच दिवशी ही पत्रकार परिषद घेण्यात आली.
Press conference of Neha Bora, Abhijit Deepak, Prakash Raj and Prashant Bhushan among others at the Press Club https://t.co/7xaelhi9dZ
— Yashoda Kumari (@Sanatani_team) October 15, 2026
अभिजीत दीपके म्हणाले, विविध संघटना आणि दिल्लीतील तरुण रस्त्यावर उतरून लढा देत आहेत. त्यांना रस्त्यावरून ओढले जात आहे. नेहा, आयेशा, विलाज आणि ईशा यांना अशा प्रकारे ओढले गेले. कोणासाठी? केवळ एका ज्ञानेश कुमार यांना वाचवण्यासाठी? असा सवाल करत आपल्याच नागरिकांविरुद्ध युद्ध पुकारल्याचा आरोप केला आणि मुख्य निवडणूक आयुक्तांना वाचवण्यासाठी अशा प्रकारची पावले का उचलली जात आहेत, असा गंभीर सवालही यावेळी उपस्थित केला.
अभिजीत दीपके यांनी निवडणुकांदरम्यान निवडणूक आयोगाच्या कार्यपद्धतीवरही प्रश्नचिन्ह उपस्थित केले आणि मतदार याद्यांच्या ‘विशेष सखोल पुनरीक्षण’ (Special Intensive Revision – SIR) प्रक्रियेच्या विश्वासार्हतेला आव्हान दिले.
२०२४ च्या लोकसभा निवडणुकीचा संदर्भ देत अभिजीत दीपके सांगितले की, एनडीए NDA आणि इंडिया INDIA आघाडी यांच्यातील मतांचा फरक केवळ २% च्या आसपास होता. अशा परिस्थितीत, ज्ञानेश कुमार यांनी निवडणुकीत भाजपला मदत केली असावी, असा संशय लोकांनी का घेऊ नये? असा प्रश्नही उपस्थित केला.
Abhijeet Dipke at today’s press conference https://t.co/cwvYJyNcGL
— Shivam Parashar (@Shivam2805) October 15, 2026
अभिजीत दीपके यांनी असाही दावा केला की, निवडणूक आयोगाने ‘विशेष सखोल पुनरीक्षण’ (SIR) प्रक्रियेदरम्यान १३ कोटी मतदारांची नावे वगळली आहेत. त्यांना अशा काही व्यक्ती भेटल्या, ज्यांना या पुनरीक्षण प्रक्रियेदरम्यान ‘मृत’ घोषित करण्यात आले होते.
अभिजीत दीपके यांनी पत्रकार परिषदेत ही आकडेवारी आणि दावे मांडले. मात्र, मसुदा पुनरीक्षणादरम्यान (draft revision) चिन्हांकित केलेले मतदार आणि प्रत्यक्ष मतदार यादीतून वगळलेली नावे यांमधील फरक समजून घेणे, हे या दाव्यांचे मूल्यमापन करण्यासाठी महत्त्वाचे ठरेल.
Abhijeet Dipke, Neha Bora की प्रेस कांफ्रेंस में Republic Channel का हंगामा। https://t.co/5DHKnhb1fl
— Sonu singh (@SonuSinghJourno) October 15, 2026
अभिजीत दीपके यांनी असाही आरोप केला की, मुख्य निवडणूक आयुक्तांच्या कार्यपद्धतीवर प्रश्न उपस्थित करणारा अहवाल समोर आल्यानंतर, त्यांना वाचवण्यासाठी मोदींनी आपली सर्व संसाधने पणाला लावली असल्याचा आरोपही यावेळी केला.
सीजेपी CJP नेत्याचा असा दावा आहे की, आंदोलनादरम्यान विद्यार्थी कार्यकर्त्यांना आणि विरोधी पक्षांच्या नेत्यांना रस्त्यावरून ओढत नेले गेले आणि त्यांना ताब्यात घेण्यात आले. त्यांनी ममता बॅनर्जी आणि अरविंद केजरीवाल यांच्यासह अनेक नेत्यांना ताब्यात घेतल्याचा उल्लेख केला आणि केरळचे मुख्यमंत्री पिनराई विजयन यांचेही नाव घेतले.
अभिजीत दीपके यांनी निदर्शनांच्या काळात लादलेल्या निर्बंधांवर प्रश्नचिन्ह उपस्थित केले. रेल्वे सेवा रद्द करण्यात आल्या होत्या आणि आंदोलकांना हाताळण्यासाठी नक्षलग्रस्त भागांतून सुरक्षा दलांना दिल्लीत आणले गेले होते. हे उपाय कोणाच्या संरक्षणासाठी केले जात आहेत, असा सवाल त्यांनी वारंवार उपस्थित केला आणि स्वतःच उत्तर दिले की, हे सर्व कुमार यांच्या संरक्षणासाठी केले जात आहे. सरकारच्या ‘एक राष्ट्र, एक निवडणूक’ (One Nation, One Election) या प्रस्तावावर टीका करताना अभिजीत दीपके यांनी याला केवळ एक ‘घोषणा’ (slogan) असे संबोधले आणि आरोप केला की, सरकारचा खरा अजेंडा ‘एक राष्ट्र, एक पक्ष’ (One Nation, One Party) हा आहे.
अभिजीत दीपके पुढे म्हणाले की, मोदींना ‘आणीबाणी’ (Emergency) जाहीर करण्याचे आव्हानही दिले आणि विचारले की, अशा निर्णयाकडे आंतरराष्ट्रीय समुदाय कशा प्रकारे बघेल, याची पंतप्रधानांना चिंता आहे का? असा सवाल करत निवडणूक यादीतील सुधारणा आणि निवडणूक आयोगाच्या कामकाजाबाबतच्या आरोपांमुळे कुमार यांच्या राजीनाम्याची मागणी केली जात असताना, हे विधान समोर आले आहे.
मंगळवारी सकाळी सौरव दास आणि आशुतोष रांका, तसेच अजिंक्य शिंदे यांनी पोलिसांचे बॅरिकेड्स ओलांडून जंतरमंतर परिसरात प्रवेश केला आणि ज्ञानेश कुमार यांच्या राजीनाम्याची मागणी करत घोषणाबाजी केली, त्यानंतर त्यांना ताब्यात घेण्यात आले. या तिघांवर सरकारी अधिकाऱ्याच्या कामात अडथळा आणल्यासह विविध कलमांखाली गुन्हे दाखल करण्यात आले. त्यानंतर न्यायालयाने सौरव दास आणि आशुतोष रांका यांना न्यायालयीन कोठडी सुनावली.
सीजेपी (CJP) च्या कायदेशीर पथकाच्या प्रमुख रत्ना सिंग यांनी ‘एक्स’ (X) वर पोस्ट करून माहिती दिली की, अजिंक्य शिंदे यांना नंतर वैयक्तिक जातमुचलक्यावर (personal bond) मुक्त करण्यात आले.
सीजेपीने आपल्या नेत्यांवरील आणि इतर आंदोलकांवरील पोलीस कारवाईवर प्रश्न उपस्थित करणे सुरूच ठेवले आहे. त्याच वेळी, अभिजीत दीपके यांच्या ताज्या विधानांमुळे या संघटनेची टीका अधिक व्यापक झाली असून, त्यात निवडणूक यादीतील सुधारणांमधील निवडणूक आयोगाची भूमिका आणि सरकारकडून असहमती व्यक्त करणाऱ्यांना हाताळण्याची पद्धत, अशा मुद्द्यांचाही समावेश झाला आहे.
