नव्याने कर्ज घेणाऱ्यासाठी एसबीआयकडून नव्या वर्षाची भेट कर्जावरील व्याजदरात कपात

Related Articles

वस्त्रोद्योग मंत्री संजय सावकारे यांच्या हस्ते ‘भारत टेक्स’मधील महाराष्ट्र दालनाचे उद्घाटन उद्योगस्नेही महाराष्ट्रात गुंतवणूक करण्याचे आवाहन

2 weeks ago

राजशिष्टाचार विभाग आणि ‘एसआयडीएम’, ‘सीआयआय’मध्ये सामंजस्य करार संरक्षण क्षेत्रातील गुंतवणुकीसंदर्भात करार करण्यात आला

3 weeks ago

मुख्यमंत्री फडणवीस यांचे आश्वासन, प्रशासन एमएसीसीआयएच्या संकल्पनेच्या पाठीशी खंबीरपणे उभे ३६ जिल्ह्यांत ३६ हजार ग्रामीण उद्योजक १.४४ लाख रोजगार निर्मितीचे लक्ष्य

4 weeks ago

मुंबईः प्रतिनिधी

नव्या वर्षात नागरीकांना स्वस्त दरात कर्ज उपलब्ध करून देण्यासाठी स्टेट बँक ऑफ इंडिया (एसबीआय) ने कर्जधारकांसाठी खास भेट आणली आहे. या भेटीच्या माध्यमातून कर्जासाठी ईएमआय घटणार आहे. एसबीआयने आपला कर्जाचा आधार दर (बेस रेट) ०.३० टक्क्याने कमी करण्याचा निर्णय घेतल्याने गृह, वाहन आणि वैयक्तिक कर्ज .३० टक्क्याने स्वस्त होणार आहे.

सद्यस्थितीत एसबीआयकडून गृह, वाहन आणि वैयक्तिक कर्जाच्या व्याजाचा दर ८.९५ टक्के असून यात ०.३० टक्क्याने घट केल्याने यावरील व्याजाचा दर ८.६५ टक्क्यांवर आला आहे. विशेष म्हणजे हे नवीन व्याज दर आज १ जानेवारी २०१८ पासून एसबीआयने लागू केल्याने यापूर्वी कर्ज घेतलेल्यांसाठी आणि नव्याने कर्ज घेणाऱ्यासाठी स्वस्त व्याज दराचा लाभ मिळणार आहे.

१ एप्रिल २०१६ नंतर कर्ज घेणाऱ्या ग्राहकांना याचा लाभ मिळणार नाही. याचे कारण म्हणजे  १ एप्रिल २०१६ पासून बँका एमसीएलआर (मार्जिनल कॉस्‍ट लेंडिंग रेट) वर कर्ज देत आहेत. व्याजदर निश्चीत करण्यासाठी रिझर्व्ह बँकेने एमसीएलआरची सुरूवात केली आहे.

काय आहे आधार दर

आधार दर म्हणजे कर्जावरील व्याजाचा कमीत कमी दर. आधार दराच्या खाली कमी दराने बँकांना कर्ज देता येत नाही. रिझर्व्ह बँकेच्या आदेशानुसार प्रत्येक बँकांना आपल्या आधार दराचे पालन करणे अनिवार्य आहे. तरीही एसबीआयने आपल्या व्याजाच्या आधार कपात करण्याचा निर्णय घेतल्याने त्याचा फायदा कर्जदारांना नक्कीच होणार आहे.