Marathi e-Batmya
Related Articles
मुंबईः प्रतिनिधी
नवी मुंबईमधील अल्पसंख्यांक समाजातील अनेक कार्यकर्त्यांनी प्रदेशाध्यक्ष आमदार जयंत पाटील आणि विधीमंडळ पक्षनेते अजितदादा पवार यांच्या उपस्थितीत आज राष्ट्रवादी काँग्रेस पक्षात जाहीर प्रवेश केला.
प्रदेशाध्यक्ष आमदार जयंत पाटील आणि विधीमंडळ पक्षनेते अजितदादा पवार यांच्या प्रमुख उपस्थितीत हा प्रवेश झाला. यावेळी अल्पसंख्यांक सेलचे प्रदेशाध्यक्ष अब्दुल गफार मलिक, नसीम सिद्दीकी उपस्थित होते. प्रवेश झाल्यानंतर सुलतान मालदार यांना अल्पसंख्यांक विभागाचे प्रदेश सचिव पद देण्यात आले.
नवी मुंबईमधील सुलतान अकबर मालदार यांच्यासह कुरेश सिद्दीकी, बिलाल सरगुरो, राशीद खान, अबु वैस मिर्जा, मुदस्सीर शेख, साकीब सैय्यद, जैद अमीन शेख, मौलाना इरशाद, जुबेर शेख, नाजीम शमसी, शेहजाद आलम कासमी आदी प्रमुख पदाधिकाऱ्यांसह असंख्य कार्यकर्त्यांनी यावेळी प्रवेश केला.
राष्ट्रवादी काँग्रेस हा पक्ष समाजातील प्रत्येक घटकाला सोबत घेवून जाणारा पक्ष आहे. प्रत्येक समाजाला इथे न्याय दिला जातो त्यामुळे आम्ही राष्ट्रवादी काँग्रेस पक्षात प्रवेश करत आहोत अशी प्रतिक्रिया कार्यकर्त्यांनी दिली.
