Marathi e-Batmya
Related Articles
पुणे येथील पोर्शे प्रकरण ताजे असतानाच शिंदे गटाच्या नेत्याच्या पोराने वरळी येथे मच्छिमारी विक्रीसाठी निघालेल्या नवरा बायकोच्या स्कूटरला धडक दिली. विशेष म्हणजे धडक दिल्यानंतरही अपघाती महिलेच्या अंगावरून गाडी घालून फरफटत नेले. त्यानंतर शिंदे गटाच्या नेत्याचा पोरगा फरार झाला. त्यामुळे सत्ताधारी पक्षाच्या नेत्याकडूनच हिट-अॅड-रनचा आणखी एक प्रकार घडला. या प्रकरणी बोलताना मुख्यमंत्री एकनाथ शिंदे म्हणाले की, रविवारी पहाटे झालेली ही घटना अत्यंत दुर्दैवी आहे. ‘कायद्यासमोर सर्व समान आहेत’ असे सांगत दोषींवर कठोर कारवाई करण्याचे आश्वासन दिले.
मुख्यमंत्री एकनाथ शिंदे म्हणाले की, मी पोलिसांशी बोललो आहे. तो कोणीही असला तरी त्याच्याकडे समान नजरेने पाहिले जाईल. कोणालाही सोडले जाणार नाही. कठोर कायदेशीर कारवाई केली जाईल. कायद्यासमोर सर्व समान आहेत, असेही यावेळी सांगितले.
मुंबईच्या वरळी येथे रविवारी पहाटे बीएमडब्ल्यू कारने त्यांच्या मच्छिमार विक्रीसाठी जात असलेल्या पती-पत्नीच्या स्कूटरला धडक दिल्याने झालेल्या धडकेत महिलेचा मृत्यू झाला, तर तिचा पती जखमी झाला.
ही कार एकनाथ शिंदे यांच्या नेतृत्वाखालील शिवसेनेच्या नेत्याचा मुलगा मिहीर शहा चालवत होता. घटनेनंतर २४ वर्षीय तरुण फरार आहे. मिहिर शाहचे वडील आणि पालघर जिल्ह्यातील शिंदे सेनेचे उपनेते राजेश शहा यांना पोलिसांनी ताब्यात घेतले आहे.
पोलिसांनी दिलेल्या माहितीनुसार, त्याच्या नावावर बीएमडब्ल्यूची नोंदणी करण्यात आली होती. राजेश शहा यांचा चालक राजऋषी बिदावत यालाही पोलिसांनी ताब्यात घेतले आहे. दरम्यान, अपघाताच्या वेळी कारमध्ये दोघेजण होते, गाडी कोण चालवत होते, याचा तपास सुरू असल्याचे पोलिसांनी सांगितले.
“मद्यपान करून गाडी चालवण्याचे हे प्रकरण आहे की नाही, आम्ही त्या कोनातूनही तपास करत आहोत. कला नगर परिसरात त्याची कार आढळून आल्याची माहिती आम्हाला मिळाली. आम्ही भारतीय न्याय संहिता (BNS) च्या संबंधित कलमांतर्गत गुन्हा दाखल केला असल्याची माहिती डिसीपी झोन ३ चे कृष्णकांत उपाध्याय यांनी सांगितले .
