Marathi e-Batmya
Related Articles
इस्रायल-इराण संघर्षाच्या वाढत्या तीव्रतेबद्दल आणि त्याचे भारताच्या अर्थव्यवस्थेवर होणाऱ्या संभाव्य गंभीर परिणामांबद्दल चिंता व्यक्त केली आहे. त्यांनी याबाबत केंद्र सरकारला तातडीने धोरणात्मक निर्णय घेण्याचे आवाहन वंचित बहुजन आघाडीचे अध्यक्ष प्रकाश आंबेडकर यांनी केले.
आपल्या अधिकृत एक्स हँडलवरून केलेल्या ट्विटमध्ये प्रकाश आंबेडकर यांनी म्हटले आहे की, इस्रायल-इराण संघर्षाचा पुढील महिन्यांत भारताच्या अर्थव्यवस्थेवर लक्षणीय परिणाम होईल. या संघर्षामुळे जागतिक स्तरावर कच्च्या तेलाच्या किमतींमध्ये झपाट्याने वाढ झाली आहे. भारत हा जगातील तिसरा सर्वात मोठा कच्च्या तेलाचा आयातदार देश आहे आणि तेलाच्या वाढत्या किमतींमुळे तो अत्यंत असुरक्षित आहे. शिवाय, जर संघर्ष वाढला तर तेलाचा व्यापार विलंबित होईल आणि निर्यात वाढेल. वाढत्या तेलाच्या किमतींमुळे भारताची अर्थव्यवस्था अत्यंत असुरक्षित बनली आहे. संघर्ष वाढल्यास तेल व्यापाराला विलंब होईल आणि शिपमेंट खर्च वाढेल, ज्यामुळे तेलाच्या किमती आणखी वाढतील.
पुढे बोलताना प्रकाश आंबेडकर बोलताना म्हणाले की, तेलाच्या किमती वाढल्यास भारतीय रिफायनरीना तेल खरेदी करण्यासाठी अधिक डॉलर्सची आवश्यकता असेल. यामुळे डॉलरची मागणी वाढते, रुपया कमकुवत होतो आणि आयात केलेले तेल आणखी महाग होते. परिणामी, देशाची चालू खात्यातील तूट (CAD) वारंवार वाढत जाईल, ज्यामुळे देशाच्या वित्त आणि अर्थव्यवस्थेवर ताण येईल अशी शक्यताही यावेळी व्यक्त केली.
प्रकाश आंबेडकर पुढे बोलताना म्हणाले की, इस्रायल-इराण संघर्षाचा कच्च्या तेलाशी थेट आणि अप्रत्यक्षपणे जोडलेल्या अनेक क्षेत्रांच्या किमती आणि पुरवठा साखळीवर परिणाम होईल. याचा थेट फटका भारतीय ग्राहकांना बसेल, ज्यामुळे एकूणच अर्थव्यवस्थेवर नकारात्मक परिणाम होईल अशी शक्यताही यावेळी व्यक्त केली.
- केंद्र सरकारला तातडीच्या सुचवल्या उपाययोजना ―
या गंभीर परिस्थितीला तोंड देण्यासाठी प्रकाश आंबेडकर यांनी भारत सरकारला त्वरित काही धोरणात्मक पावले उचलण्याचे आवाहन केले आहे.
◆ तेल करारांमध्ये विविधता :
मध्य पूर्वेतील भू-राजकीय अडथळ्यांपासून स्वतःचे संरक्षण करण्यासाठी भारताने आपल्या तेल करारांमध्ये विविधता आणावी.
◆ इंधनाच्या किमती मर्यादित करा :
महागाई वाढण्यापासून रोखण्यासाठी उत्पादन शुल्कात कपात करून किंवा अनुदानाद्वारे इंधनाच्या किमती तात्पुरत्या प्रमाणात मर्यादित कराव्यात.
◆ रुपयातील अस्थिरता कमी करा :
रुपयातील अस्थिरता कमी करण्यासाठी भारतीय रिझर्व्ह बँकेने (RBI) परकीय चलन बाजारात हस्तक्षेप करावा.
प्रकाश आंबेडकर शेवटी बोलताना म्हणाले की, भारताच्या आर्थिक स्थैर्यासाठी तातडीने आणि दूरदृष्टीने निर्णय घेणे आवश्यक असल्याचे म्हटले आहे. रुपयातील अस्थिरता कमी करण्यासाठी भारतीय रिझर्व्ह बँकेने (RBI) परकीय चलन बाजारात हस्तक्षेप करावा अशी मागणीही यावेळी केली.
