Marathi e-Batmya
Related Articles
मुंबईः प्रतिनिधी
राज्यातील सरकारी सेवेत असलेल्या मागासवर्गीय अधिकारी-कर्मचाऱ्यांच्या रखडलेल्या पदोन्नतीचा मार्ग मोकळा झाला असून २०१७ सालापासून रखडलेल्या या पदोन्नत्या लवकरच मिळणार असल्याची माहिती शालेय शिक्षण मंत्री वर्षा गायकवाड यांनी ट्विटरद्वारे दिली.
मागासवर्गीय अधिकारी-कर्मचाऱ्यांच्या रखडलेल्या पदोन्नत्याबाबत निर्णय घेण्याबाबत उपमुख्यमंत्री अजित पवार यांच्या अध्यक्षतेखाली मंत्रीगटाची स्थापना करण्यात आली होती. या मंत्रिगटाची उपमुख्यमंत्री अजित पवार यांच्या अध्यक्षतेखाली मंत्रालयात बैठक झाली. त्यावेळी मागासवर्गीयांच्या पदोन्नतीतील रिक्त जागा भरण्याचा निर्णय घेण्यात आल्याचे त्यांनी सांगितले.
सेवाजेष्ठतेनुसार पदोन्नतीस पात्र असलेल्या मागासवर्गीय अधिकारी-कर्मचारी यांची पदोन्नती २०१७ पासून थांबविण्यात आली होती. उपमुख्यमंत्री यांच्या अध्यक्षतेखालील मंत्रीगट उपसमितीच्या आजच्या बैठकीत मागासवर्गी अधिकारी- कर्मचारी यांचा सेवाजेष्ठतेनुसार पदोन्नतीचा मार्ग मोकळा झाला आहे.
— Prof. Varsha Eknath Gaikwad (@VarshaEGaikwad) December 16, 2020
