Marathi e-Batmya
Related Articles
कॉकरोच जनता पक्षाचे -सीजेपी संस्थापक अभिजीत दीपके यांना शुक्रवारी त्यांच्या निवासस्थानाजवळ ताब्यात घेण्यात आले होते. कॅनॉट प्लेस येथील सेंट्रल पार्कमध्ये सीजेपीच्या ‘लहरा दो तिरंगा’ आंदोलनात सहभागी होण्यासाठी जात असताना त्यांना ताब्यात घेण्यात आले होते. त्यानंतर सशर्त जामीन मिळाल्यानंतर त्यांची सुटका करण्यात आली आहे.
१० ऑक्टोबर रोजी त्यांनी सादर केलेल्या शांतता कराराचे कथित उल्लंघन केल्याप्रकरणी त्यांना शनिवारी सकाळी अटक करण्यात आली होती. दुसऱ्या शांतता करारावर स्वाक्षरी केल्यानंतर अभिजीत दीपके यांची सुटका करण्यात आली, असे दिल्ली पोलिसांनी शनिवारी सांगितले.
भारतीय नागरिक सुरक्षा संहितेच्या (बीएनएसएस) कलम १२६ आणि १७० अंतर्गत शांतता भंग केल्याप्रकरणी एका नवीन प्रतिबंधात्मक कार्यवाहीसाठी त्यांना शनिवारी विशेष कार्यकारी दंडाधिकारी (एसईएम) न्यायालयासमोर हजर करण्यात आले.
The SEM Court should release Abhijeet Dipke, as his arrest is unlawful. He merely urged people to unfurl the Tiranga – how can that by itself be a crime?
The manner in which he was picked up from right outside his residence, no information about his whereabouts, and the fact that even his lawyers have been unable to meet him raise serious concerns about due process and fundamental rights.
How can such an apparent abuse of power be justified in a democracy governed by the rule of law?
Delhi police cannot do unlawful act under the garb of preventive detention.
— Ratna Singh (@whattalawyer) October 17, 2026
सीजेपीच्या कायदेशीर विभागाच्या प्रमुख रत्ना सिंह यांनी अभिजीत दीपके यांच्या अटकेच्या वैधतेला आव्हान दिले होते आणि मूलभूत हक्क व कायदेशीर प्रक्रियेचे उल्लंघन झाल्याचा आरोप करत त्यांच्या तात्काळ सुटकेचे आदेश देण्याची एसईएम न्यायालयाला विनंती केली होती. त्यानंतर ही ताजी घडामोड समोर आली आहे.
एक्स (X) वरील एका पोस्टमध्ये, रत्ना सिंह यांनी नागरिकांना शांततापूर्ण राष्ट्रीय आंदोलनात सहभागी होण्याचे आवाहन करणे हा गुन्हा कसा मानला जाऊ शकतो, असा प्रश्न उपस्थित केला.
“एसईएम न्यायालयाने अभिजीत दीपके यांना सोडावे, कारण त्यांची अटक बेकायदेशीर आहे. त्यांनी केवळ लोकांना तिरंगा फडकवण्याचे आवाहन केले – केवळ एवढ्याने गुन्हा कसा होऊ शकतो? असा सवालही सिंह यांनी यावेळी केला.
The hearing was supposed to happen at 12PM.
It’s 3:38PM and no sign of it.
If this isn’t deliberate then what is?
Release Saurav, Ashutosh and Abhijeet along with other detainees. You can’t take away people’s liberty by delaying the entire process.
— Ratna Singh (@whattalawyer) October 17, 2026
कनॉट प्लेस येथील सेंट्रल पार्कमध्ये नियोजित ‘लहरा दो तिरंगा’ रॅलीचे नेतृत्व करण्यापासून रोखण्यासाठी दिल्ली पोलिसांनी शुक्रवारी अभिजीत दीपके यांना ताब्यात घेतले. अधिकाऱ्यांनी बीएनएसएसच्या कलम १६३ चा वापर करून मध्य दिल्लीत सार्वजनिक सभांवर कडक प्रतिबंधात्मक आदेश लागू केले होते.
एका नवीन प्रतिबंधात्मक कारवाईत पोलिसांनी अभिजीत दीपके यांच्याविरुद्ध बीएनएसएसच्या कलम १२६ आणि १७० अंतर्गत गुन्हा दाखल केला. हा खटला १० ऑक्टोबर रोजीच्या पूर्वीच्या प्रतिबंधात्मक कारवाईपेक्षा वेगळा आहे, जेव्हा पोलिसांनी त्यांना दिल्ली
विमानतळावर विमानातच ताब्यात घेतले होते आणि एक वर्षासाठी शांतता भंग न करण्याचे हमीपत्र लिहून घेण्यास सांगितले होते.
Abhijeet Dipke released.
@Cockroachisback
— Ratna Singh (@whattalawyer) October 17, 2026
मतदार यादीतील बदलांसंदर्भात निवडणूक आयोगाविरोधात सुरू असलेल्या व्यापक निदर्शनांच्या पार्श्वभूमीवर हे आंदोलन झाले. सार्वजनिक सूचना देऊनही जमाव जमल्याने पोलिसांनी सुमारे १५० आंदोलकांना ताब्यात घेतले आणि मनाई आदेशांचे उल्लंघन केल्याबद्दल अनेक एफआयआर नोंदवले.
सीजेपी कार्यकर्ते सौरभ दास आणि आशुतोष रांका यांनी जंतर मंतर परिसरात घुसण्याचा प्रयत्न केल्यामुळे ते आधीच न्यायालयीन कोठडीत आहेत.
शुक्रवारी कनॉट प्लेस येथे झालेल्या ‘लहरा दो तिरंगा’ आंदोलनादरम्यान ऑल इंडिया स्टुडंट्स असोसिएशन (AISA) च्या अध्यक्षा नेहा बोरा यांनाही प्रतिबंधात्मक कोठडीत घेण्यात आले.
पोलिस सूत्रांनी सांगितले की, कनॉट प्लेसच्या दिशेने जात असताना अधिकाऱ्यांनी नेहा बोरा यांना मंडी हाऊस येथे आणि अभिजीत दीपके यांना झंडेवालन येथे ताब्यात घेतले.
दिल्ली पोलीस कायद्याच्या कलम ६५ अंतर्गत अटकेसंबंधीची औपचारिकता पूर्ण केल्यानंतर शनिवारी पहाटे बोरा यांची सुटका करण्यात आली.
सुटकेनंतर नेहा बोरा यांनी दिल्ली पोलीस आणि केंद्रातील भाजप सरकारवर टीका करत या अटकेला “बेकायदेशीर” म्हटले. तिने मतदार याद्यांची विशेष सखोल पुनर्तपासणी (SIR) थांबवण्याची मागणी केली आणि मुख्य निवडणूक आयुक्त ज्ञानेश कुमार यांच्या राजीनाम्याची, महाभियोगाची आणि तुरुंगवासाची मागणी केली.
आयसाच्या नेहा बोरा म्हणाल्या की, “मला मंडी हाऊसमध्ये ताब्यात घेण्यात आले आणि पहाटे ५ वाजेपर्यंत रात्रभर इथे (पोलीस ठाण्यात) ठेवण्यात आले. तुम्ही (पोलीस) अशा बेकायदेशीर अटक का करत आहात? या देशात या गोष्टी बऱ्याच काळापासून घडत आहेत आणि या आंदोलनाने हे स्पष्टपणे दाखवून दिले आहे की अशा अटकेच्या घटना नियमानुसार घडत आहेत, पण तसे काहीही होत नाहीये,” असेही म्हणाल्या.
आयसाच्या अध्यक्षांनी अभिजीत दीपके यांच्यासह ताब्यात घेतलेल्या किंवा अटक केलेल्या सर्व आंदोलकांच्या तात्काळ सुटकेची मागणीही केली.
आयसाने असेही म्हटले आहे की, मुख्य निवडणूक आयुक्त ज्ञानेश कुमार यांच्या राजीनाम्यासाठी आणि विशेष सखोल पुनर्तपासणी प्रक्रिया मागे घेण्यासाठी त्यांची मोहीम सुरूच राहील.
दिल्ली पोलिसांनी सांगितले की, कायदा व सुव्यवस्था राखण्यासाठी आणि वाहतूक सुरळीत ठेवण्यासाठी त्यांनी सुमारे १५० लोकांना ताब्यात घेतले आहे.
सुरक्षा कर्मचाऱ्यांनी कनॉट प्लेसमधील सेंट्रल पार्कला घेराव घातला असून, पार्कमध्ये रॅपिड ॲक्शन फोर्सचे जवान तैनात करण्यात आले आहेत आणि परिसरात अतिरिक्त दलही तैनात करण्यात आले आहे.
निवडणूक आयोगाच्या मतदार याद्यांच्या विशेष सखोल पुनर्तपासणी आणि निवडणूक प्रक्रियेच्या हाताळणीविरोधात विरोधी पक्षनेते, इंडिया ब्लॉक पक्ष आणि विद्यार्थी संघटनांकडून सुरू असलेल्या निदर्शनांच्या पार्श्वभूमीवर हे आंदोलन झाले.
