Marathi e-Batmya
Related Articles
नीट परीक्षा पेपरफुटी प्रकरणी मुंबईत झालेल्या नाट्यमय विद्यार्थी आंदोलनानंतर आणि विद्यार्थ्यांना ताब्यात घेतल्यानंतर दुसऱ्याच दिवशी, पोलिसांच्या व्हॅनमध्ये चित्रित केल्याचा दावा असलेला एक व्हिडिओ मोठ्या वादाला तोंड फोडले. या क्लिपमध्ये एक पोलीस चालक ताब्यात घेतलेल्या विद्यार्थी आंदोलकांना, जर त्यांनी पुन्हा आंदोलन केले तर त्यांच्यावर खोटे ड्रग्जचे गुन्हे दाखल करण्याची धमकी देताना दिसत आहे. हा व्हिडिओ व्हायरल झाला.
व्हिडिओ क्लिपमध्ये, तो पोलीस विद्यार्थ्यांना पुढील आंदोलनात भाग न घेण्याचा इशारा देताना ऐकू येतो, अन्यथा तो “खोट्या ड्रग्जच्या गुन्ह्याखाली” त्यांचे “आयुष्य उद्ध्वस्त” करेल असे म्हणतो. त्यांना जामीन मिळू शकणार नाही आणि त्यांना “तुरुंगात सडावे लागेल” अशी घमकी देताना दिसून येतो. यावर गाडीच्या मागच्या सीटवर बसलेले विद्यार्थी आंदोलक हसताना आणि स्मितहास्य करताना दिसतात.
पुढे पोलिस म्हणतो, जर तुम्ही मला पुन्हा आंदोलनात दिसलात, तर माझ्यापेक्षा वाईट कोणीही नसेल. मी तुमच्या खिशात ५० ग्रॅम पावडर (ड्रग्ज) ठेवीन. मग तुमचे आयुष्य उद्ध्वस्त होईल. त्यामुळे तुम्हाला जामीन मिळणार नाही हे निश्चित होईल, असे ही तो पोलीस म्हणत असल्याचे ऐकू येते.
या धमकीसोबतच एक प्रामाणिक कबुलीही होती. “तुमच्यामुळे आम्ही त्रास सहन करत आहोत,” असे तो क्लिपमध्ये ऐकू येतो.
या घटनेमुळे तीव्र प्रतिक्रिया उमटल्या आणि काँग्रेस व कॉकरोच जनता पार्टीने (सीजेपी) ‘एक्स’वर हा व्हिडिओ प्रसारित केल्यावर, मुंबई पोलिसांनी त्या पोलिसाला त्याच्या सध्याच्या पदावरून हटवले.
“मुंबई पोलिसांनी या प्रकरणी चौकशीचे आदेश दिले असून तथ्यांची पडताळणी करून कारवाई केली जाईल. संबंधित चालकाला त्याच्या सध्याच्या पदावरून हटवण्यात आले आहे,” असे मुंबई डीसीपी (ऑपरेशन्स) अकबर पठाण यांनी सांगितले.
हा व्हिडिओ पोस्ट करताना, मुंबई काँग्रेसने म्हटले की हा केवळ विद्यार्थ्यांना घाबरवण्याचा प्रयत्न नसून, “लोकशाही हक्कांवर” थेट हल्ला आहे. “आवाज उठवणे हा गुन्हा नाही. विद्यार्थ्यांच्या प्रश्नांची उत्तरे जबाबदारीने दिली पाहिजेत, धमक्यांनी नव्हे,” असे ट्विट करण्यात आले.
एक वायरल वीडियो में दावा किया गया है कि @MumbaiPolice प्रदर्शन कर रहे छात्रों को धमका रही है कि अगर वे दोबारा प्रदर्शन करने लौटे, तो उन्हें झूठे ड्रग्स के मामले में फँसा दिया जाएगा और पूरी ज़िंदगी जेल में सड़ना पड़ेगा।
अगर यह सच है, तो यह सिर्फ़ छात्रों को डराने की कोशिश नहीं,… pic.twitter.com/36KescEmro
— Mumbai Congress (@INCMumbai) July 23, 2026
‘आप’ने अधिक कठोर शब्दांत टीका करत भाजपाला इशारा दिला की त्यांचे दिवस मोजकेच उरले आहेत. मुख्यमंत्री देवेंद्र फडणवीस यांच्यावर हल्लाबोल करणाऱ्या एका पोस्टमध्ये ‘आप’ने म्हटले, “दिल्लीत तुमच्या सरकारने विद्यार्थ्यांच्या मागण्या चिरडण्यासाठी आपले गुंड पाठवले आणि आता महाराष्ट्रात असे घृणास्पद कृत्य?”
“भाजपा, नीट ऐका – विद्यार्थ्यांना घाबरवण्याचा किंवा धमकावण्याचा प्रयत्न करू नका. देश जागा झाला आहे. तुमचे दिवस मोजकेच उरले आहेत,” असे ‘आप’ने ट्विट केले.
‘कॉकरोच जनता पार्टी’ने आश्चर्य व्यक्त केले की, आता विद्यार्थ्यांच्या खिशात “बनावट ड्रग्ज ठेवण्यासाठी” नार्कोटिक्स कंट्रोल ब्युरोचा (एनसीबी) वापर केला जात आहे का. “हे सहन केले जाणार नाही,” असे त्यांनी पोस्ट केले.
मुख्यमंत्री Devendra Fadnavis जी, आपकी पुलिस बच्चों की जेब में किस चीज़ की पुड़िया डालने की बात कर रही है?
दिल्ली में आपकी सरकार ने अपने गुंडे भेजकर बच्चों की मांग को कुचलने का काम किया, और अब महाराष्ट्र में ऐसी ओछी हरकत?
भाजपा वालों, सुन लो- बच्चों को डराने और धमकाने की कोशिश… pic.twitter.com/XSydxQyOBd
— AAP (@AamAadmiParty) July 23, 2026
गेल्या काही दिवसांपासून, नवी दिल्लीतील कॉकरोच जनता पार्टीच्या (सीजेपी) नेतृत्वाखालील आंदोलनाला पाठिंबा देण्यासाठी मुंबईत शेकडो विद्यार्थी आंदोलक रस्त्यावर उतरले आहेत.
ऑनलाइन व्यंग्यात्मक चळवळ म्हणून सुरू झालेली सीजेपी, पेपरफुटीच्या अनेक घटनांवरून शैक्षणिक सुधारणा आणि केंद्रीय शिक्षणमंत्री धर्मेंद्र प्रधान यांच्या राजीनाम्याची मागणी करत आहे. २० जुलै रोजी संसदेवर मोर्चा काढण्याचा प्रयत्न करणाऱ्या आंदोलकांवर पोलिसांनी केलेल्या कारवाईनंतर या आंदोलनाला अधिकच जोर चढला आणि ते इतर राज्यांमध्येही पसरले.
तेव्हापासून, मोठ्या संख्येने विद्यार्थी आणि इम्रान खानसारख्या अभिनेत्यांनीही शिवाजी पार्क, चेंबूर आणि आझाद मैदान यांसारख्या मुंबईतील प्रमुख ठिकाणी मोर्चे काढले आहेत.
आंदोलकांना घेऊन जाणाऱ्या पोलीस व्हॅनला अडवणारी एक महिला आणि अटकेतील लोकांना घेऊन जाणाऱ्या वाहनाचा मागचा दरवाजा उघडणारा एक विद्यार्थी, ही मुंबईतून समोर आलेली काही प्रमुख दृश्ये बनली आहेत.
